LISOMU LA 47

Bo, Gubi le Tayali Kugubatisa?

INA

Tayali guliboliki mambu gingi kunhusu Yehova mu lifunzu laku la Bibilia. Tosa guhengiki mabadiliku fulani ili kupwata mambu gaguliboliki. Hata hela, pangi ibi sababu yeyuguhibalaki kulibeka wakfu kuka Yehova nu kubatizwa. Na lisomu lende musitulongalya baadhi ja mambu gagawesa kunhibalaki mundu kubatizwa na jinsi hejuwesa kushinda changamotu heyi.

1. Guhitaji kuba nu ujuzi gwingi kadili bo kabla ju kubatizwa?

Ili bugu batisaji, guhitaji kuba nu “ujuzi sahihi gwa kweli.” (1 Timotheo 2:4) Hela ngase kumaanisha kwamba kabla jukugubatisa gupaswa kugamanya majibu ga maswali gowa ga Bibilia ambagu pangi bandu awesa kulaluki. Hata Akristo babatisi miaka jingi jejipetiki bakona bikaendale kulibola. (Wakolosai 1:9, 10) Lakini guhitaji kuelegwa mafundishu gu msingi ga Bibilia. Azee bi likutaniko bagujangatya kumanya ana gubi nu ujuzi gu kutosha.

2. Gupaswa kujuku atua bo kabla ju kugubatisa?

Kabla ju kugubatisa, gupaswa ‘kutubu nu kung’anambuka.’ (Soma Matendo 3:19.) Heli limaanisha kwamba gujuti ngani kwa sabu ja dhambi yegwahengiki pa zamani nu gunndoba Yehova jugusamia. Hela, gujepa kabisa mwenendu guliaha nu kuazimia kutama maisha ga gunfulaisha Mungu. Isitoshe, guanza kushilikiana ni likutaniku kukuhudhuli mikutanu nu kuhubili koni gubi gunhubili jwanga kumbatisa.

3. Ndaba jaki ngase gupaswa kuluhusu woga guguhibalakyaje?

Pangi bangi awesa kuhisi kwamba ngakuwesa kutama kulengana na ahadi yeampiki Yehova. Sakaka kwamba wakati gongi gwitenda kukose, kama hekwabi kwakanalomi na akambomba aaminifu babalogo Mmbibilia. Lakini Yehova ngase jutalaji atumishi baki abya akamilifu. (Soma Zaburi 103:13, 14.) Jutogule kugubona gujitahidi kuhenga mambu ga sapi kulengana nu uwesu gwaku, na jwombi jwitenda kugujangati! Yehova jwihakikisha kwamba nga sindu ‘sekiwesa kututenga nu upalani gwaki.’—Soma Waroma 8:38, 39.

HEMBA NGANI

Linga jinsi kummanya Yehova sapi ngani nu kujetakye nsaada gwaki ekuwesa kugujangati kushinda mambu gagawesa kuhibalaki kugubatisa.

4. Mmanya Yehova sapi ngani

Guhitaji kummanya Yehova sapi kadili bo kabla ju kugubatisa? Guhitaji kuba nu ujuzi goguguchoche kumpala na kuba na hamu ju kunfulaisha. Langia KIDEU ili gubona jinsi wanafunzi ba Bibilia pundema powa eahengiki. Alafu nndongalya liswali lelipwata.

KIDEU: Balabala Jejilongo Ku Ubatizu (3:56)

Mu kideu hesi, ki sesajangati wanafunzi aba ba Bibilia bijiandia kwa ajili ju ubatizo?

Soma Waroma 12:2, halafu nndongalya maswali ganga:

Bo, gubi na shaka jokapi kuhusu mapundisu ga Bibilia au ana Mashahidi bika Yehova apundisa ukwele?
Ana gubi na shaka, guwesa kuhenga kike?

5. Shinda mambu gagawesa kuhibalaki kubatizwa

Patuamu kulibeka wakfu nu kubatizwa, twe twaboa tukabili changamotu. Ili kugubona nfanu, langia KIDEU, halafu nndongalya maswali gagapwata.

KIDEU: Kumpala Yehova Kugujangati Kushinda Izuizi (5:22)

Mu kideu hesi, Narangerel jwahitajia kushinda izuizi bo ili juanza kuntumiki Yehova?
Kumpala Yehova kunzangatya bo kushinda izuizi heye?

Soma Methali 29:25 na 2 Timotheo 1:7, halafu nndongalya liswali lende:

Twipata kwa ujasili gu kushinda izuize?

6. Gubya nu hakika kwamba Yehova jwitenda kugujangati

Yehova jwagujangatya kuhenga mambu gagunfulaisha. Langia KIDEU, halafu nndongalya maswali gagapwata.

KIDEU: Yehova Mungu Jwitenda Kugujangati (2:50)

Mu kideu hesi, ki sesunfanya mwanafunzi hoju jwa Bibilia jusita kumbatisa?
Julibola lijambu bo lelunzangatya kuntegame Yehova ngane?

Soma Isaya 41:10, 13, halafu nndongalya liswali lende:

Guwesa bo kuba nu hakika kwamba gwitimisa ahadi yeguboa pagulibeka wakfu?

7. Langia shuklani ku upalani gojugulangi Yehova

Kadili eguzidi kuholale jinsi Yehova hejugupaili, ndo pagwiendalya kuba na shuklani nu kupala kuendale kuntumiki milele. Soma Zaburi 40:5, halafu nndongalya liswali lende:

Ibi balaka bo kuhuma kuka Yehova yeyuguchoche kunshukulo?

Nabii Yeremia akumpai Yehova ni lilobi laki, na jukathamini ngamaa kuba ni lipendeleu lu kutangasa lihina lika Yehova. Jwapwaga ana: “Lilobi laku labya na laha na shangwe ju mmwoju ja, kwa maana angemiki kulihina laku, Ee Yehova Mungu.” (Yeremia 15:16) Jibwa maswali ganga: