LISOMU LA 55

Unga Nkonu Likutaniku Lino

INA

Pundema powa, mamilioni ga bandu anhabudu Yehova kwa shangwi mu maelfu ga makutaniku. Atogule kujopa maagizu nu muongozu, na aunga nkonu likutaniku kwa bidii katika indela ingi. Bo, guhisi ela kuhusu likutaniku lino?

1. Guwesabo kutumi muda na makili gaku kuunga nkonu likutaniko?

Twe twaboa tuwesa kuunga nkonu likutaniku. Ku nfanu, bo, mu likutaniku li abi bandu baabi na umri nkolongu au baabi na matatisu ga afya? Bo, guwesa kwajangati kuhika ku mikutano? Au bo, guwesa kwajangati kwiindela jengi, kama pe kuhenga ununuzi au kasi yu kunyumba? (Soma Yakobo 1:27.) Kabe, tuwesa kujitolea kusapisa nu kudumisha Lijumba litu lu Ufalme. Nga mundu jojutu lasimisa kuhenga mambu aga. Kumpala Mungu na alongu bitu kutuchoche ‘kuliboa twabe kwi hiali.’—Zaburi 110:3.

Akamashahidi baabatizwi awesa kuunga nkonu likutaniku kwi indela yengi. Aka ndugu baabi na sifa yu kustahili awesa kutumiki koni abi atumishi ba huduma, na baadai koni abi azee. Aka ndugu na dada awesa kuunga nkonu kwa bidii kasi ju kuhubili ku kutumiki koni abi akapainia. Baadhi jaka Mashahidi awesa kujangati mu ujenzi gwa majengu gi ibada au kuhami mu likutaniku lelihitaji msaada kwi indela yengi.

2. Tuwesa bo kutumi ela na mali gitu kuunga nkono Likutaniko?

Tuwesa ‘kunheshimu Yehova kwa indu itu yana thamani.’ (Methali 3:9) Tutogule kuba ni lipendeleu lu kuboa michangu ja ela na mali yengi ili kuunga nkonu likutaniku litu na kasi ju kuhubili pu undema powa. (Soma 2 Wakorintho 9:7.) Misangu jitu jitumiwa kabe kuboa msaada wakati gu misiba. Bingi ahamu “kubeka pulutengu sindu fulani” ku ukawaida ili kuboa nsangu. (Soma 1 Wakorintho 16:2.) Tuwesa kubeka misangu jitu mu masanduku gi misangu gagabi mu sehemu itu yi ibada au muntandau kupete donate.pr418.com. Yehova jutupeke nafasi ju kulangi kwamba tutei kumpala kupete jinsi etuamu kutumia mali gitu.

HEMBA NGANI

Sungusa baadhi ji indela yeguwesa kuunga nkonu likutaniku.

3. Tuwea kutumi mali gitu

Yehova na Yesu apala bandu baabowa ku uchangamfu. Ku nfanu, Yesu ansipila mjani maskini jojwaboa nsangu nsoku ngani. Soma Luka 21:1-4, halafu nndongalya maswali ganga:

Bo, tuhitaji kuboa nsangu gwa hela ingi ili kunfulahisha Yehova?
Yehova na Yesu ahisibo patuboa misangu kwi hiale?

Ili gulibola jinsi misangu jitu ejitumiwa, langia KIDEU. Halafu nndongalya liswali lelipwata.

KIDEU: ‘Twelakya Zawadi Pukuboku kwa Ajili Jika Yehova’ (4:47)

Misangu jitumiwabo kutegemeza makutaniku pundema powa?

4. Tuwesa kujitole kujangati

Mu nyakati ya Bibilia, aabudu bika Yehova bahenga kasi kwa bidii ili kudumisha sehemu yabu yi ibada. Lakini heli lahusisha gingi zaidi ju kuboa nsangu gwa hela. Soma 2 Mambo ya Nyakati 34:9-11, halafu nndongalya liswali lende:

Kila Nhisraeli jwajangatya bo kutunza nyumba jika Yehova, au mahali pi ibada?

Ili gulinga jinsi Akamashahidi bika Yehova eaiga nfanu hogu, langia KIDEU. Halafu ndongalya maswali gagapwata.

KIDEU: Kutunza Maeneu Gitu gi Ibada (3:31)

Ndaba jaki kubi muhimu kudumisha Lijumba litu lu Ufalme koni libi sapi na katika hali jasape?
Guwesa kujangati katika indela bole?

5. Aka ndugu awesa kujitahidi kuiki mapendeleu ngani

Maandiku gaajege mwoju akanalomi Akristo ajitahidia kuhenga gingi ngani ili kuunga nkonu likutaniku. Ili gulinga nfanu, langia KIDEU. Halafu gujibwa liswali lelipwata.

KIDEU: Mwaka Ndugu—Mujitahidia Kuiki Kasi Njema (5:19)

Mu kideu hesi, Ryan jwahenga jitihada bo ili kuunga nkonu likutaniku kikamili ngane?

Bibilia jilogo sifa yeahitaji aka ndugu ili bistahilia kutumiki koni abi atumishi ba huduma au azee. Soma 1 Timotheo 3:1-13, halafu nndongalya maswali ganga:

Aka ndugu baatamani kutumiki koni abi atumishi ba huduma na azee apaswa kuba na sifa bole?
Familia yabu ipaswa kuba na sifa bole?—Linga nstali gwa 4 na 11.
Aka ndugu pabijitahidi kutimisa sifa heyi, kila mundu mu likutaniku junufaika bole?