Mwanalomi nu mmbomba baapungiki ndoa enu kalibuni, atumaini kwamba laha jebabi naku lisoba la ndoa ji idumua milele. Na heli liwesikana. Akristo baabi nndoa kwa miaka jingi, na ambabu ajikasiki kabisa kupwata ushauli gwa Bibilia amanyiki kwamba heli liwesikana.

1. Bibilia jiboa ushauli bo kwaka nalome?

Yehova ampeki mwanalomi lijukumu la kuba kimutu sa familia. (Soma Waefeso 5:23.) Yehova jutalaji mwanalomi juhenga maamuzi ambagu gajinufaisha familia. Bibilia jashauli ana akanalomi: “Nhendalya kwapala akahanu bino.” (Waefeso 5:25) Heli limaanisha kike? Mwanalomi jojubi na fazili anhenge nhanu jwaki kwa fazili paakuba kunyumba na hazalani. Juhakikisha kwamba nhanu jwaki jubi salama nujuhenga gowa gajuwesa ili kuntimasi mahitaji gaki gikimwili na gikihisia. (1 Timotheo 5:8) Lijambu lumuhimu ngani, annzangati nhanu jwaki kusitawisha ukosi gwa pambipi pamu na Yehova. (Mathayo 4:4) Kwa mfanu, juwesa kusali nukusoma Bibilia pamu nunhanu jwaki. Mwanalomi paanhenge nhanu jwaki kuupalani nukunnzali, judumisha ukosi gwa sapi pamu na Yehova.​—Soma 1 Petro 3:7.

2. Bibilia japeke akambomba ushauli bole?

Lilobi lika Mungu lipwaga “mmbomba jupaswa kunheshimu ngani nndomi jwaki.” (Waefeso 5:​33) Juwesa bo kuhenga hela? Juwesa kuholale sifa yasapi yalomi baki na jitiada yeahenga ili kuntunza jwombi na bana babu. Julangi heshima kuunga nkonu maamuzi gukunndomi jwaki nukulonge naku kwa fazili. Kabe, jupwaga mambu gasapi kunhusu nndomi jwaki pajulonge na bandu bangi, hata kama nndomi jwaki jukubi ngase antumaki Yehova.

3. Mwanalomi nu nhanu jwaki awesa bo kuimalisha ndoa jabo?

Bibilia jipwaga ana kuhusu bandu baapungiki ndoa: “Abeli be haba bibya yega jimwa.” (Mathayo 19:5) Heli limaanisha kwamba apaswa kujepa lijambu lokapi leliwesa kuzoofisha upalani kati jabu. Ahenga hela kukutumi muda gwingi pamu, nakabe kulonge waziwazi nukuupalani kuhusu mawasu na hisia yabu. Ngasealuhusu mundu au sindu sokapi kuba muhimu kuliku mwenzi jwabu jwa ndoa ila Yehova. Akuba aangalifu ngani basitawisha uhusianu gwangakufaa na mundu jongi jwokapi.

 HEMBA NGANI

4. Gwamunalomi​—gumpala nu kunzali nhanu jwaku

5. Gummbomba​—gumpala nu kunheshimu nndomi jwaku

Bibilia junnzege mwoju mmbomba anheshimua nndomi jwaki, hata kukubi nndomi jubi ntumishi juka Yehova au la. Soma 1 Petro 3:​1, 2, halafu nndongalya maswali ganga:

• Ana nndomi jwaku nga mwamini, bila shaka gutamani ngani jubya mwabudu juka Yehova. Guwasali jibi Indela bo jasapi kunnzangati, bo, ndo kunhubili kila wakati au kubi kuba gummbomba gwegu gubi na fazili, heshima, na tabia ja sape? Kwa ndaba jakike?

Munalomi nunhanamundu awesa kuhenga maamuzi gasapi pamu. Hata hela, wakati gongi pangi mmbomba ngajwijetake maamuzi guku nndomi jwaki. Katika hali kama heji, mmbomba juwesa kuelesa maoni gaki kuutulivu na heshima, lakini jupaswa kumanya kwamba Yehova  ampeki nndomi lijukumu lukuhenga maamuzi gukujinufaisha familia. Mmbomba jupaswa kuhenga goti gajuwesa ili kuunga nkonu uamuzi gukunndomi jwaki. Pajuhenga enihela jusangi mazingila gagabi na laha panyumba. Soma 1 Petro 3:​3-5, halafu nndongalya liswali lende:

• Yehova juhisi bo mmbomba paanheshimu nndomi jwake?

6. Nhwesa kuepuka matatisu katika ndoa

 MUHTASALI

Munalomi nu nhanamundu awesa kuba na laha ana pe apalana, aheshimiana, nu kutumi kanuni ya Bibilia.

Gukajibwa bole?

• Munalomi jiwesa bo kusangi laha katika ndoa?

• Mmbomba juwesa bo kusangi laha katika ndoa?

• Anagupungiki ndoa, jibi kanuni bo ja Bibilia jejiwesa kuimalisha ndoa jino?