LISOMU LA 51
Guwesabo Kunfulahisha Yehova Kupete Mazungumzu Gako?
Yehova pajutubomba jutupekya zawadi jasapi ngani, yani, uwesu gukulonge. Bo, jujali jinsi etutumi zawadi heje? Bila shaka, jujali! (Soma Yakobo 1:26.) Basi, tuwesabo kutumi uwesu gwitu gukulonge kwiindela jejunfulahisha Yehova?
1. Tuwesabo kutumi sapi zawadi jukulongela?
Bibilia jutupwagi ana: “Nhendalya kujegalana mwoju nu kusengana.” (1 Wathesalonike 5:11) Bo, abi bandu ambabu guwasali ahitaji kwajege mwojo? Guwesa kuhenga ki ili kwajege mwojo? Ahakikishia kwamba gutenda kwajali. Labda guwesa kwapwagi mambu gasapi gagupai kwahusu. Bo, libi liandiku leliwesa kunnzege mwoju mundu fulani jogummanye? Gabi maandiku gingi gaguwesa kutumia. Kombuka kwamba guwesa kabe kwajege mwoju ngani kupete jinsi egulonge nabu. Basi, masoba gowa jikasa kulonge kwa fazili nu upoli.—Methali 15:1.
2. Tupaswa kujepa mazungumzu ga aina bole?
Bibilia jipwaga: “Lilobi leliboi liipita munndomu jino.” (Soma Waefeso 4:29.) Heli limaanisha kwamba ngasetupaswa kutumi luga chafu, au kupwaga manenu ambagu nga ga fazili, gagauzi, gagukusudiwi kuumisa isia ika mundu jongi. Kabe, tupaswa kugujepa umbea na kwaasema bangi.—Soma Methali 16:28.
3. Kibi ki ambasu satujangatya kulonge kwiindela jejaasenga bange?
Mala ingi mambu gatupwaga gayeku sekibi mmwoju jitu au lijambu letuholale. (Luka 6:45) Basi, tupaswa kuliyobalake kuholale mambu gagasenga, yaani, mambu gagabi guuadilifu, gagabi safi kiadili, gagapalika, na gagistahili sifa. (Wafilipi 4:8) Ili tukazila fikila mambu aga, tupaswa kuhagu buludani na akakosi bitu kwa hekima. (Methali 13:20) Kabe, tuhitaji kuholale kwa makini mambu gatwipwaga kabla jukulongela. Holalya jinsi manenu gaku egaasilia bangi. Bibilia jipwaga ana: “Manenu gaapwaga bila kuholale gaseku kama upanga, lakini lulimi luka muna hekima lutenda kuponya.”—Methali 12:18.
HEMBA NGANI
Libola kulonge kwiindela jejunfulahisha Yehova na jejajegala mwoju bangi.
4. Gubya gumwangalifu kuhusu mambu gagupwaga
Wakati fulani, twe tupwaga mambu bila kuholale nukujuta pabadai. (Yakobo 3:2) Soma Wagalatia 5:22, 23, halafu nndongalya maswali ganga:
-
Kati ja sifa heyi, guwesa kunndoba Yehova jugupekya sifa bo yeyagujangatya kuzibiti mambu gagupwaga? Sifa heyi iwesabo kugujangatila?
Soma 1 Wakorintho 15:33, halafu nndongalya liswali lende:
-
Indela jaku jukulonge jiwesa kuasiliwabo na buludani na akakosi bagusagula?
Gabi mambu bo gagawesa kuathili jinsi etulongela?
Soma Mhubili 3:1, 7, halafu nndongalya liswali lende:
-
Gubi wakati bo ambagu pangi libya lijambu la hekima kutama kinunu au kulende wakati gogufaa ili kulongela?
5. Pwaga mambu gasapi kwahusu bangi
Tuwesabo kujepa kupwaga mambu gagaumisa bangi au kupwaga mambu ambagu nga ga fazile? Langia KIDEU, halafu nndongalya maswali gagapwata.
-
Mukideu hesi, kwa ndaba jaki ndugu hoju jwapala kubadilisha jinsi ejulongila kwahusu bange?
-
Jwahenga ki ili kubadilisha indela jaki jukulongela?
Soma Mhubili 7:16, halafu nndongalya liswali lende:
-
Tupaswa kukomboka ki patushawishiwa kupwaga mambu ganga kufaa kunhusu mundu jonge?
Soma Mhubili 7:21, 22, halafu nndongalya liswali lende:
-
Mistali jenze jiwesabo kugujangati gwisuki mundu pajupwaga mambu giliaha kuguhuso?
6. Gubya na fazili pagulonge na bandu ba familia jaku
Yehova jupala tulongila na bandu ba familia jitu kwiindela ja fazili nuupalani. Langia KIDEU, halafu nndongalya liswali lelipwata.
-
Kibi ki sesagujangatya gulongila kwa fazili na bandu ba familia jako?
Soma Waefeso 4:31, 32, halafu nndongalya liswali lende:
-
Tuwesa kulonge jinsibo na bandu ba familia jitu ili kwaasenga?
Yehova jwalangia jinsi ejwahisia kunhusu Yesu, mwana jwaki. Soma Mathayo 17:5, halafu nndongalya liswali lende:
-
Guwesabo kunnziga Yehova pagulonge na bandu ba familia jako?
Taputa fulsa ya kwapongeza bangi
BANDU FULANI APWAGA: “Ne nipwaga senikiholali. Ngasenijali bangi bihisia bole.”
-
Bo, gugajetake le maoni aga? Kwa ndaba jakike?
MUHTASALI
Malobi gabi na makili. Tupaswa kuholale kwa makini mambu gatupwaga, muda gukupwaga, na jinsi jukupwaga.
Gukajibwa bole?
-
Guwesa kutumi indela bo kulonge mambu gagasenga bange?
-
Tupaswa kujepa mazungumzu ga aina bole?
-
Kibi ki sesatujangatya ili masoba goa tulongila kwiindela ja fazili na jejisenga?
SUNGUSA NGANI
Kibi ki sesatujangatya kulonge kwiindela jejasenga bange?
Libola mambu gagagujangatya kujepa luga chafu.
“Bo, Kweli le Kutumi Luga Chafu Kubi Nu Ubaya?” (Makala jejibi muntandau)
Libola jinsi eguwesa kujepa kunaswa nuntegu gwakuba na poloju.
Linga jinsi Yehova eannzangatya munalomi fulani jukotuka kutumi luga chafu.
“Naanza Kuholale Kuuzitu Mwelekeu gwa Maisha Gango” (Mnala gu Mlinzi, Agosti 1, 2013)
