LISOMU LA 53

Sagula Buludani Jejumfulahisha Yehova

INA

Yehova ndo “Mungu jojubi na laha.” (1 Timotheo 1:11) Jupala tubya na laha nu tutogulya maisha. Jutogule patutenga muda ili kujifulahisha. Mu lisomu lendenu, isitulibola jinsi ju kutumi wakati gwitu gu kupomule katika indela jejunfulahisha na jwombi kulisika, na wakati agolago jejunfulahisha Yehova.

1. Tupaswa kukomboka ki patusagu buludane?

Gupala kuhenga ki pagupomulela? Baadhi ja bandu apala kupomule kunyumba koni asoma kitabu, kupelakane muziki, kulingali sinema, au kutumi Intaneti. Bangi atogule kutumi wakati pamu na akosi koni akwela milema, kuogalela, au kukina michezu mbalimbali. Lokapi lela letusagu kuhenga, tupaswa kuhakikisha kwamba tusagu buludani ‘jejukubalika kuka Bwana.’ (Waefeso 5:10) Kubi muhimu kusagu buludani jejifaa kwa ndaba buludani ingi yeaipai lelenu ihusisha mambu ambagu Yehova jutenda kusuki kama hela ukatili, ukosefu gwa maadili katika ngonu, au kuwasiliana na roho aovu. (Soma Zaburi 11:5.) Ki sesagujangatya kusagu buludani kwa hekima?

Ana twisagula akosi babumpai Yehova, awesa kutusenga nu kutujangati kusagu buludani jejifaa. Kama etwilibola mu Lisomu la 48, mundu “jojujenda na bana hekima jwibya na hekima.” Kinyumi saki, patushilikiana ku ukawaida na bandu banga kupala iwangu ika Mungu ‘twitenda kuumia.’—Methali 13:20.

2. Kwa ndaba jaki asetupaswa kutumi muda gwingi katika buludane?

Hata kukubi buludani yetusagu itenda kufaa, tupaswa kuba makini twitumi muda gwingi ngani. Kwandaba tosa twikosa muda gu kutosha kuhenga mambu gagabi muhimu ngani. Bibilia jutuhimiza ‘tutumia sapi kabisa wakati gwitu.’—Soma Waefeso 5:15, 16.

HEMBA NGANI

Libola jinsi ju kuhenga maamuzi gasapi kuhusu buludani.

3. Epuka buludani yanga kufaa

Ndaba jaki tupaswa kuba makini patusagu buludane? Langia KIDEU, halafu nndongalya maswali gagapwata.

KIDEU: Nzagula Buludani ja Aina Bole? (4:39)

Michezu ja zamani ja Aroma jifanana jinsi bo na baadhi ja buludani ya leleno?
Mu kideu hesi, Danny julibola ki kuhusu buludane?

Soma Waroma 12:9, halafu nndongalya liswali lende:

Nstali ago guwesa bo kugujangati kusagu buludani jejifaa?

Gabi baadhi ja mambu bo gajusuki Yehova? Soma Methali 6:16, 17 na Wagalatia 5:19-21. Baada ju kusoma kila liandiku, nndongalya liswali lende:

Gabi mambu bo gaagalogwi mu mistali aje gagabi ga kawaida katika buludani ya leleno?

Jinsi ju kusagu buludani kwa hekima

Lilalukya ana:

Kike? Bo, buludani jenze jihusisha lijambu lokapi lejusuki Yehova?
Lile? Bo, buludani jenze musijijukua muda gwa mambu le gagabi muhimu ngane?
Nyane? Bo, buludani jenze jifanya nshilikiana ku ukalibu au ku ukawaida na bandu banga kumpala Yehova?

Ili tubya salama, tupaswa kutama kutali kabisa na hatali. Hela, tupaswa kujepa buludani jokapi jetuhisi kwamba ngase jifaa

4. Tumia muda gwaku kwa hekima

Langia KIDEU, halafu nndongalya liswali lelipwata.

KIDEU: Gutumi bo Muda Gwako? (2:45)

Ingawa ndugu mu kideu esi ngasejwalingalya lijambu langa kufaa, litatisu likabi kwako?

Soma Wafilipi 1:10, halafu nndongalya liswali lende:

Nstali gongo guwesa kutujangati bo kuamu muda gotwitumia katika buludane?

5. Sagula buludani yeifaa

Ingawa baadhi ja buludani ngase yunfulahisha Yehova, gabi mambu gingi ngani gagafaa gatuwesa kuhenga ili kujifulahisha. Soma Mhubili 8:15 na Wafilipi 4:8, halafu nndongalya liswali lende:

Gupala kutogule buludani bole?

Guwesa kutogule buludani yeifaa

BANDU FULANI APWAGA: “Ngakuba ubaya gu ku togule buludani yeibi nu ukatili, ukosefu gwa maadili, au kuwasiliana na loho waovu ana ngase ahenga mambu aga.”