Ãlikin 4026 B.C.E.

“Jedpãnit” eo ear jum̦ae jim̦we im maroñ eo an Jeova ñan tõl im wãween an tõl. Kõn men in, Jeova ear kallim̦ur bwe enaaj kõm̦m̦an bwe en wal̦o̦ktok juon nejin ak “ineen,” me enaaj tokãlik jol̦o̦k jedpãnit eo, Setan. (Jenesis 3:1-5, 15) Bõtab, Jeova ej m̦okta kõtl̦o̦k iien ñan an armej tõl er make ium̦win maroñ eo an jedpãnit eo.

1943 B.C.E.

Jeova ear ba ñan Ebream bwe ‘ine’ eo ear kallim̦ur kake enaaj wal̦o̦ktok jãn menmenbwij eo an.​—Jenesis 22:18.

Ãlikin 1070 B.C.E.

Jeova ear kallim̦uri Kiiñ Devid im tokãlik l̦adik eo nejin etan Solomon, bwe ‘ine’ eo kar kallim̦ur kake enaaj wal̦o̦ktok jãn baam̦le eo aer.​—2 Samuel 7:12, 16; 1 Kiiñ 9:3-5; Aiseia 9:6, 7.

29 C.E.

Jeova ear kaalikkar bwe Jijej ej ‘ine’ eo kar kallim̦ur kake, im naaj lel̦o̦k tũroon eo an Devid ñane.​—Galetia 3:16; Luk 1:31-33; 3:21, 22.

 33 C.E.

Setan, jedpãnit eo, ear ko̦kkure jim̦win neen ‘ine’ eo ium̦win jidik iien ilo an kar kõm̦m̦an bwe Jijej en mej. Jeova ear kajerkakpejeik Jijej bwe en mour ilañ im ear buñbũruon kõn an kar Jijej katok kõn mour eo an eweeppãn. Men in ear kõpel̦l̦o̦k ial̦ eo ñan an Anij jeorl̦o̦k jerawiwi ko an ro nejin Adam im lel̦o̦k jeraam̦m̦an eo ñan aer bõk mour indeeo.​—Jenesis 3:15; Jerbal 2:32-36; 1 Korint 15:21, 22.

Ãlikin wõt 1914 C.E.

Jijej ear jolal̦tak jedpãnit eo, Setan, ñan lal̦ in. Jidik wõt iien in an naaj pãd ilo lal̦ in.​—Revelesõn 12:7-9, 12.

Ilju im jekl̦aj

Jijej enaaj kalbuuji Setan ium̦win 1,000 iiõ. Innem Jijej enaaj ko̦kkure bõran Setan ilo kõkkar, ak kõm̦m̦an bwe en jako. Karõk eo an Jeova jãn kar jinoin ñan lal̦ in im ñan armej enaaj jejjet im m̦ool. Etan enaaj erreo, im aolep renaaj jel̦ã bwe E wõt ej tõllo̦kũn ñan tõl.​—Revelesõn 20:1-3, 10; 21:3, 4.