Baibõl̦ ej ba bwe elõñ jetõb ro im rej mour ilañ. Jeova ej bar juon jetõb. (Jon 4:24; 2 Korint 3:17, 18) Ilo kar m̦okta, Jeova ear make wõt ilañ. Innem, tokãlik ear jino kõm̦anm̦an jetõb ro jet me n̦aetaer enjel̦. Jeova ear kõm̦anm̦an elõñ enjel̦ ro. Jon, juon iaan ri karejar ro an Anij, ear loe joñan oran enjel̦ ro ilo juon visõn. Ilo visõn eo, ear loe jibukwi milien enjel̦ ro.​—Revelesõn 5:11; Hibru 1:13, 14, UBS.

Anij ear kõm̦anm̦an enjel̦ ro m̦okta jãn an kar kõm̦anm̦an lal̦ in. (Job 38:4-7) Enjel̦ rein rejjab armej ro remej me rar mour m̦okta ilo lal̦ in. Enjel̦ ro rekajoorl̦o̦k im mãlõtlõtl̦o̦k jãn armej ro.