Laajrakin Pija ko ilo Bok In
Nõm̦ba In Peij Ko Rej Kwal̦o̦k Ia Ko Rej Pãd Ie
Pija ko ilo kilin bok in Paul, Tabita, Gallio, Luk, juon opija in tampel̦ eo ippãn rijjilõk ro, juon Saddusi, ri-tarin̦ae ro an Rom rej tõl Paul ñan Seseria, im jerbalin kwal̦o̦k naan eo ilo raan kein ippãn juon wa me elõñ an jipikõr im juon kein jerbal me kwõj kõjo̦i rekoot ko ie (phonograph).
Peij 1 Paul ej pãd ilo jeen ko, im Luk ej tõn uwe ilo juon waan m̦weiuk me ej jerak ñan Rom.
Peij 2, 3 Jeid im jatid J. E. Barr im T. Jaracz jãn Kumi eo Ej Lale Aolep Eklejia ko rainin rej lale juon mab in lal̦ in.
Peij 11 Jesus ej kakien rijjilõk ro retiljek 11 im ri-kal̦oor ro jet ilo juon tol̦ ilo Galili.
Peij 15 Jesus ej wanlõñl̦o̦k ñan lañ. Rijjilõk ro rej reilõñl̦o̦k im kalimjeke.
Peij 22 Ilo Pentekost eo, rijjilõk ro rar jino kõnono ñan ri-lotok ro ilo kajin ko aer make.
Peij 40 Rijjilõk ro rar jutak im̦aan Keiapas ilo an kar lukkuun illu. Opija ro an tampel̦ eo repojak in kalbuuji rijjilõk ro el̦aññe Im̦õn Ekajet eo El̦ap ej kakien er ñan kõm̦m̦ane.
Peij 49 Pija eo itulal̦: Ãlikin Pata eo an Lal̦ kein karuo, Juon im̦õn ekajet ijoko iturearin Germany ear n̦aruon Ri-Kõnnaan ro an Jeova im ba bwe rej juon kumi in ri-iaroñroñ jãn America.—Juon magazine etan Neue Berliner Illustrierte, Oktoba 3, 1950.
Peij 52 Rej n̦aruon Stipen im ej jutak im̦aan Im̦õn Ekajet eo El̦ap an ri-Ju ro. Saddusi ro rem̦weiie rej pãd itulikin pija eo, im Parisi ro rej pãd itum̦aanin pija eo.
Peij 60 Piter ej likũt pein ioon juon ri-kal̦oor ekããl; Saimõn ej jibwe juon iep in jããn.
Peij 85 Piter im l̦õm̦aro m̦õttan rar del̦o̦ñel̦o̦k m̦weo im̦õn Korniliõs. Korniliõs ej kõn̦ak juon nuknuk ejej uwaan me ej ettoto ituanmiiñin aeran ñan kaalikkar bwe ej juon kapen in jarin tarin̦ae.
Peij 93 Juon enjel̦ ej tõl Piter; Piter emaroñ kar kalbuuj ilo Im̦õn Kone eo an Antonia.
Peij 95 Pija eo itulal̦: Juon kumi in kõm̦m̦an poktak iturin Montreal, Quebec, ilo iiõ eo 1945.—Juon magazine etan Weekend Magazine, Jul̦ae 1956.
Peij 103 Rar kadiwõjl̦o̦k Paul im Barnebas jãn Antiok ilo Pisidia. Kein kattoor dãn eo ekããl (aqueduct) an jikin kweilo̦k eo ej pãd itulikin pija eo, me remaroñ kar kalõke ilo jinoin tõre ko an rijjilõk ro.
Peij 106 Paul im Barnebas rar jab kõn̦aan bwe en l̦e jãn joñan an armej ro nõbar im kautiej erro ilo Listra. Elukkuun l̦ap poub ilo iien an armej ro katok ilo̦bwilej im el̦ap an kauwaroñroñ kõn elõñ kõjañjañ ko.
Peij 113 Pija eo itulõñ: Sailas im Judas rej rõjañ im kõkajoor eklejia eo ilo Antiok ilo Siria. (Jrb. 15:30-32) Pija eo itulal̦: Juon em̦m̦aan eo ej lol̦o̦k eklejia ej kõnono ñan juon eklejia ilo Uganda.
Peij 121 Eklejia eo ilo Jerusalem ej kweilo̦k ippãn doon ilo juon em̦.
Peij 142 Paul im Timote rej uwe ilo juon waan m̦weiuk waan ri-Rom ro. Jemaroñ loe juon lighthouse ej pãd ijuweo ettol̦o̦k ilo pija in.
Peij 157 Paul im Sailas rej pãd itum̦aanin juon mel̦an me ewõr an wõrwõr, im rej ko jãn juon kumi me el̦ap aer illu.
Peij 177 Gallio ej kauweik armej ro rar n̦aruon Paul. Ej kõn̦ak nuknuk ko me rej kaalikkar wõn e: juon nuknuk mouj (white imperial toga) me e piolõt tõrerein im rej n̦aetan juuj ko ej kõn̦aki calcei.
Peij 158 Demitriõs ej kõnono ñan ri-jerbal ro ilo jikin kõm̦m̦an aen eo ilo Epesõs. Rej wiakake tampel̦ jidikdik ko an Artemis ãinwõt jet kein kakeememej.
Peij 171 Paul im l̦õm̦aro m̦õttan rej tõn uwe ilo juon waan ejjerakrõk. Juon kein kakeememej etan Great Harbor Monument ej pãd itulikin pija eo im kar kalõke ilo tõre ko an rijjilõk ro.
Peij 180 Pija eo itulal̦: Ilo tõre ko me Canada ear kamo̦ik ad kõjerbal bok ko ad ilo 1940 ko, juon jeid im jatid likao ej n̦ooje an ebbõk bok ko ad. (Waanjoñak wõt.)
Peij 182 Paul ear roñjake kajjitõk eo an em̦m̦aan ro rej lale eklejia. Luk im Timote rej jijet itulikin pija eo, im erro ej jipañ ikijjeen jerbalin bũkto-bũktak jabawõt ko.
Peij 190 Likao eo mañden Paul ej kõnono ñan Klaudiõs Lisiõs ilo Im̦õn Kone eo an Antonia, ijo me Paul emaroñ kar kalbuuj ie. Tampel̦ eo an Herod ej wal̦o̦k itulikin pija eo.
Peij 206 Paul ej jar kõn bajinjea ro me relukkuun m̦õk im rej pãd ilo jikin m̦weiuk eo an tima eo.
Peij 222 Paul, eo me ej pãd ilo jeen ko em̦õj lukwõji n̦a ippãn juon ri-tarin̦ae in Rom, ej reilo̦k im lale jet jikin ko ilo jikin kweilo̦k eo ilo Rom.
KÕMEL̦EL̦E IN ARMEJ RO ILO BOK IN
Armej ro me Rar Oktak ñan Kabuñ eo an ri-Ju Ro
Saddusi im Parisi ro
Filix
Porsiõs Festõs
Herod Agrippa II
