KATAK 09

Ruwaakl̦o̦k ñan Anij Ikijjeen Jar

PLAY

Kwõnañin ke bõk l̦õmn̦ak eo bwe kwõj aikuj naanin tõl ñan jipañ eok ilo mour eo am̦? Ewõr ke am̦ kajjitõk me kwõlukkuun kõn̦aan lo uwaakier? Kwõj aikuj ke bõk naanin kaenõm̦m̦an ko? Kokõn̦aan ke bwe kwõn epaakel̦o̦k Jeova? Eokwe, jar emaroñ jipañ eok ilo aolep wãween kein. Bõtab ta wãween eo ejim̦we ñan jar? Anij ej ke roñjake aolep jar ko? Ta eo kwõj aikuj kõm̦m̦ane bwe Anij en roñjake jar ko am̦? Jen lale.

1. Wõn eo jej aikuj jar ñane, im ta ko jemaroñ jar kaki?

Jesus ear katakin kõj bwe jej aikuj jar wõt ñan eo Jemãdwõj ilañ. Jesus make ear jar ñan Jeova. Ear ba, “Innem en wãween dein ami jar: ‘Jememwõj ilañ . . . ’” (Matu 6:9) Ñe jej jar ñan Jeova, jem̦jerã eo ad ippãn ej kajoorl̦o̦k.

Jemaroñ jar kõn enañin jabdewõt men. Ijoke, bwe Anij en uwaaki jar ko ad rej aikuj ekkar ñan ankilaan. “Jabdewõt men eo jej kajjitõk kake im ej ekkar ñan ankilaan, ej roñjake kõj.” (1 Jon 5:14) Jesus ear kwal̦o̦k jet iaan men ko rekkar me jemaroñ jar kaki. (Riit Matu 6:9-13.) Ñe jej jar kõn inepata ko ad, jen jab mel̦o̦kl̦o̦k in bar kam̦m̦oolole Anij kõn aolep men ko em̦õj an kõm̦m̦ani ñan kõj, im ñan kajjitõk bwe en jipañ ro jet.

2. En ewi wãween ad aikuj jar?

Baibõl̦ eo ej rõjañ kõj ñan ‘kwal̦o̦k bũruod’ ñan Anij. (Sam 62:8) Innem jar ko ad rej aikuj lukkuun itok jãn bũruod. Ñe jej jar jemaroñ kwal̦o̦k ainikied ak jar ilo bũruod im kõm̦m̦ane ilo juon wãween jej kwal̦o̦k kautiej meñe jej jijet, jutak, ak wãween ko ãierl̦o̦kwõt. Jemaroñ jar aolep iien im ilo jabdewõt jikin.

3. Ewi wãween an Anij uwaaki jar ko ad?

Ej kõm̦m̦ane men in ilo elõñ wãween ko. Em̦õj an Jeova letok Naan eo an ilo Baibõl̦ eo, ijo me ekkã ad lo uwaakin kajjitõk ko ad ie. Ilo ad riiti Naanin Anij, men in emaroñ “letok mãlõtlõt ñan ro ri-jajel̦o̦kjen̦.” (Sam 19:7, UBS; riit Jemes 1:5.) Jeova emaroñ kõm̦m̦an bwe en aenõm̦m̦an l̦õmn̦ak ko ad ñe jej iioon apañ ko. Im emaroñ kõm̦akũt ri-karejar ro an ñan jipañ kõj ilo iien ko jelukkuun aikuj jipañ.

KAM̦WILAL̦L̦O̦K AM̦ MEL̦EL̦E

Lale ewi wãween am̦ maroñ jar jãn bũruom̦ ilo wãween eo ej kabuñbũruon Anij im wãween kwõmaroñ bõk tokjãn jãn am̦ jar.

4. Ewõr men ko Anij ej kõtmãne jãn kõj ñe jej jar

Ta ko rej kaalikkar el̦aññe Anij ej buñbũruon kõn jar ko ad ak jaab? Kõjo̦e PIJAIN ALWÕJ eo.

PIJAIN ALWÕJ: Does God Listen to All Prayers?—Excerpt (2:42)

Jeova ekõn̦aan bwe jen jar ñane. Riit Sam 65:2, innem bwebwenato kake kajjitõk kein:

Kwõl̦ak lale Eo ej “roñjake jar” ekõn̦aan ke bwe kwõn jar ñane? Etke kwõj ba men in?

Jej aikuj in kate kõj ñan mour ekkar ñan kien ko an Anij el̦aññe jekõn̦aan bwe en eo̦roñ jar ko ad. Riit Maika 3:4 im 1 Piter 3:12, innem bwebwenato kake kajjitõk in:

Ta eo jej aikuj kõm̦m̦ane el̦aññe jekõn̦aan bwe Jeova en roñjake jar ko ad?

Ilo iien tarin̦ae ko, jait ko ruo remaroñ jim̦or jar bwe ren bõk anjo̦. Ilo am̦ l̦õmn̦ak, ekkar ke bwe Anij en roñjake jar kein?

5. Jar ko ad rej aikuj itok jãn bũruod

Jet armej kar katakin er ñan ãliji jar ko aer. Bõtab eñin ke wãween eo Anij ekõn̦aan bwe jen jar ñane? Riit Matu 6:7, innem bwebwenato kake kajjitõk in:

Ewi wãween bwe kwõn jab “ãlijinmen” ilo jar ko am̦?

Kajjojo raan kwõmaroñ l̦õmn̦ak kõn juon jeraam̦m̦an ilo mour eo am̦, innem kam̦m̦oolol Jeova kake. Kõm̦m̦ane men in kajjojo raan ium̦win juon wiik, im kwõnaaj lo bwe em̦õj am̦ jar kake jiljilimjuon men ko reoktak jãn doon ijello̦kun am̦ kar ãlijinmen ilo jar ko am̦.

Juon jemãn el̦ap an yokwe ekõn̦aan bwe ajri eo nejin en kwal̦o̦k bũruon ñane. Ejja ãindeinl̦o̦k wõt, Jeova ekõn̦aan bwe jen jar ñane jãn bũruod

6. Jar ej juon menin letok jãn Anij

Ewi wãween an jar maroñ kõkajoore kõj ilo iien ko rem̦m̦an im iien ko reppen? Kõjo̦e PIJAIN ALWÕJ eo.

PIJAIN ALWÕJ: Prayer Helps Us to Cope (1:32)

Baibõl̦ eo ej kallim̦ur bwe jar emaroñ jipañ kõj ñan lo aenõm̦m̦an eo em̦ool ilo l̦õmn̦ak ko ad. Riit Pilippai 4:6, 7, innem bwebwenato kake kajjitõk kein:

Meñe jar ejjab kõm̦m̦an bwe en jako apañ ko ad aolep iien, ak ewi wãween an jipañ kõj?
Ta jet iaan men ko kokõn̦aan jar kaki?

Kwaar jel̦ã ke?

Naan in “amen” ej mel̦el̦ein “en ãindein” ak “em̦ool.” Jãn tõre ko ilo Baibõl̦, kar ba “amen” ilo jem̦l̦o̦kin jar ko.—1 Kronikel 16:36.

7. Kõm̦m̦an iien ñan jar

Jet iien joñan ad lukkuun poub jemaroñ mel̦o̦kl̦o̦k in jar. Ewi joñan an kar aorõk jar ippãn Jesus? Riit Matu 14:23 im Mark 1:35, innem bwebwenato kake kajjitõk kein: