KATAK 19
Ri-Kõnnaan ro an Jeova Rej Ke Kũrjin ro Rem̦ool?
Kõm Ri-Kõnnaan ro an Jeova, kõmij tõmak bwe kõmij Kũrjin ro rem̦ool. Etke? Eokwe, jouj im etale pedpedin tõmak eo ammim, ãt eo etammim me ej kõjjenolo̦k kõm jãn ro jet, im yokwe eo ammim ñan doon.
1. Tõmak eo an Ri-Kõnnaan ro an Jeova ej pedped ioon ta?
Jesus ear ba: “Naan ko [an Anij] rej m̦ool eo.” (Jon 17:17) Ãinwõt Jesus, tõmak eo an Ri-Kõnnaan ro an Jeova ej aolep iien pedped ioon Naanin Anij. Ñan waanjoñak, l̦õmn̦ak m̦õk kõn bwebwenatoun Ri-Kõnnaan ro an Jeova me ilo m̦okta kar kũr er Rũkkatak Baibõl̦ ro. Ilo kar enañin 1870 ko, kumi in Rũkkatak Baibõl̦ rein rar lukkuun etale Baibõl̦ eo. Tõmak eo aer ear pedped ioon ta eo Baibõl̦ ej ba, meñe ear oktak jãn katak ko an kabuñ ko jet. Innem rar jino kwal̦o̦k kake katak kein rem̦ool jãn Baibõl̦ ippãn ro jet. a
2. Etke kõmij bõk ãt in Ri-Kõnnaan ro an Jeova?
Jeova ej ba bwe ri-karejar ro an rej ri-kõnnaan ro an kõnke rej kwal̦o̦k m̦ool eo kõn e. (Hibru 11:4–12:1) Ñan waanjoñak, ilo kar iien ko etto, Anij ear ba ñan armej ro an: “Kom̦ ri-kõnnaan ro Aõ.” (Riit Aiseia 43:10.) Bareinwõt Baibõl̦ ej ba bwe Jesus ej “ri-Kõnnaan eo Etiljek.” (Revelesõn 1:5) Eñin unin ilo 1931 eo, kõmar bõk ãt in Ri-Kõnnaan ro an Jeova. Im el̦ap ammim jeraam̦m̦an im m̦õn̦õn̦õ ñan bõk ãt in.
3. Ewi wãween an Ri-Kõnnaan ro an Jeova anõke yokwe eo an Jesus?
Joñan an Jesus yokwe ri-kal̦oor ro an ear watõk er ãinwõt baam̦le eo an. (Riit Mark 3:35.) Ejja ãindeinl̦o̦k wõt, Ri-Kõnnaan ro an Jeova rej bõrokuk ippãn doon ãinwõt juon baam̦le in rũttõmak ro ipel̦aakin lal̦ in. Eñin unin kõmij kũr doon jeid im jatid. (Pailimõn 1, 2) Kõmij bareinwõt l̦oore naanin jiroñ eo ñan “yokwe aolep ro jeid im jatid ilo tõmak.” (1 Piter 2:17) Ri-Kõnnaan ro an Jeova rej kwal̦o̦k yokwe in ilo elõñ wãween ko. Ñan waanjoñak, rej jipañ rũttõmak ro m̦õttaer ipel̦aakin lal̦ in ilo iien aer aikuj.
KAM̦WILAL̦L̦O̦K AM̦ MEL̦EL̦E
Kal̦apl̦o̦k am̦ jel̦ã kõn bwebwenatoun Ri-Kõnnaan ro an Jeova im lale kein kam̦ool ko jet me rej kaalikkar bwe kõmij Kũrjin ro rem̦ool.
Tõmak eo an Kũrjin ro rem̦ool ej pedped ioon Baibõl̦, im Kũrjin ro rej kwal̦o̦k kake ñan ro jet
4. Tõmak eo ammim ej pedped ioon Baibõl̦
Jeova ear kanaan bwe naaj kaalikkarl̦o̦k katak im mel̦el̦e ko rem̦ool ilo Baibõl̦. Riit Daniel 12:4, innem bwebwenato kake kajjitõk in:
-
Ta eo “enaaj l̦apl̦o̦k” an wõr ippãn armej ro an Anij ñe renaaj wõnm̦aanl̦o̦k wõt im etale Baibõl̦ eo?
Lale ewi wãween an juon kumi in rũkkatak Baibõl̦ ro, ekoba Charles Russell, kar katak kõn Baibõl̦. Kõjo̦e PIJAIN ALWÕJ eo, innem bwebwenato kake kajjitõk in:
-
Ilo pijain alwõj eo, ewi wãween an kar Charles Russell im Rũkkatak Baibõl̦ ro m̦õttan katak kõn Baibõl̦ eo?
Kwaar jel̦ã ke?
Ewõr iien kõmar aikuj in ukot mel̦el̦e eo ammim kõn jet iaan katak ko. Etke? Eokwe, ãinwõt an al̦ tak jidik kõn jidik im kaalikkarl̦o̦k men ko rej pãd ilo juon mel̦aaj, Anij ej jidik kõn jidik kaalikkarl̦o̦k mel̦el̦ein Naan eo an ilo Baibõl̦. (Riit Jabõn Kõnnaan 4:18.) Innem alikkar bwe Baibõl̦ eo ejjab oktak, ak ilo an alikkarl̦o̦k wõt ammim mel̦el̦e kõn Baibõl̦ eo, kõmij kõm̦m̦an oktak kõn mel̦el̦e eo ammim kõn katak ko ie.
5. Kõmij mour ekkar ñan ãt eo etammim
Etke kõmar bõk ãt eo Ri-Kõnnaan ro an Jeova? Kõjo̦e PIJAIN ALWÕJ eo, innem bwebwenato kake kajjitõk in:
-
Etke ekkar ãt in Ri-Kõnnaan ro an Jeova?
Etke Jeova ej kããlõt armej ro bwe ren ri-kõnnaan ro an? Ej kõnke ri-kõnnaan rein renaaj kaalikkar bwe ej Anij eo em̦ool, kõnke em̦õj kwal̦o̦k elõñ riab ko kõn E. Lale ruo wõt iaan riab ko em̦õj kwal̦o̦k kõn E.
Jet kabuñ ko rej katakin armej ro bwe Anij ekõn̦aan bwe ren kõjerbal ekjab ko ilo aer kabuñ. M̦ool ke men in? Riit Livitikõs 26:1, innem bwebwenato kake kajjitõk kein:
-
Ekkar ñan eoon in, ta eñjake eo an Jeova kõn ekjab ko?
Jet ri-tõlin kabuñ ko rej katakin bwe Jesus ej Anij. M̦ool ke men in? Riit Jon 20:17, innem bwebwenato kake kajjitõk kein:
-
Ekkar ñan eoon in, Anij im Jesus rej ke juon wõt?
-
Ta eñjake eo am̦ ilo am̦ jel̦ã bwe Jeova ej kõjerbal Ri-Kõnnaan ro an ñan kwal̦o̦k m̦ool eo kõn E im eo Nejin?
6. Kõmij yokwe doon
Baibõl̦ ej keidi Kũrjin ro ñan m̦õttan ko ilo ãnbwinnin armej. Riit 1 Korint 12:25, 26, innem bwebwenato kake kajjitõk kein:
-
Enaaj kar ewi wãween an Kũrjin ro rem̦ool em̦m̦akũt ñe Kũrjin ro jet rej eñtaan?
-
Ta ko em̦õj am̦ loi kõn wãween an Ri-Kõnnaan ro an Jeova kwal̦o̦k aer yokwe doon?
Ñe Ri-Kõnnaan ro an Jeova rej eñtaan ilo juon jikin, ri-kõnnaan ro jet m̦õttaer ilo pel̦aakin lal̦ in rej m̦õkaj im em̦m̦akũt. Ñan lale juon waanjoñak, kõjo̦e PIJAIN ALWÕJ eo. Innem bwebwenato kake kajjitõk in:
-
Ilo an Ri-Kõnnaan ro an Jeova jipañ jeier im jatier ilo jikin ko rejorrããn, ewi wãween an men in kaalikkar yokwe eo aer?
Kũrjin ro rem̦ool rej kwal̦o̦k yokwe ñan ro rej pãd ilo aikuj
JET ARMEJ REJ BA: “Ekããl kabuñ eo an Ri-Kõnnaan ro an Jeova.”
-
Jãn ñããt eo Jeova ear jino ãñinñini ri-karejar ro an, ri-kõnnaan ro an?
TARLEP IN KATAK EO ILO TUKADU
Ri-Kõnnaan ro an Jeova rej Kũrjin ro rem̦ool. Kõmij juon doulul in baam̦le in rũttõmak ro ipel̦aakin lal̦ in, im tõmak eo ammim ej pedped ioon Baibõl̦ eo im kõmij kwal̦o̦k m̦ool eo kõn Jeova.
Ãlij
-
Etke kõmar bõk ãt eo Ri-Kõnnaan ro an Jeova?
-
Ewi wãween ammim kõm̦m̦an ñan doon?
-
Ilo am̦ l̦õmn̦ak, Ri-Kõnnaan ro an Jeova rej ke Kũrjin ro rem̦ool?
KAL̦APL̦O̦K AM̦ MEL̦EL̦E
Kal̦apl̦o̦k am̦ jel̦ã kõn bwebwenatoun Ri-Kõnnaan ro an Jeova.
Jehovah’s Witnesses—Faith in Action, Part 1: Out of Darkness (1:00:53)
Lale juon waanjoñak kõn wãween an Ri-Kõnnaan ro an Jeova kajedmatmat katak ko reriab.
Lo uwaakin kajjitõk ko am̦ kõn Ri-Kõnnaan ro an Jeova.
“Kajjitõk ko Ekkã Aer Kajjitõk Kaki Kõn Ri-Kõnnaan ro an Jeova” (weep peij)
Stephen ear kõm̦m̦ani men ko renana ñan armej ro jãn bar juon aelõñ kõn an dike er. Lale ta eo ear loe ippãn Ri-Kõnnaan ro an Jeova me ear kõm̦akũti ñan kõm̦m̦an oktak ko.
“Wãween Mour eo Aõ Ear Nanal̦o̦k Wõt” (Naan in Keeañ, Jul̦ae 2015)
a Jãn iiõ eo 1879, Ri-Kõnnaan ro an Jeova rar kõm̦m̦ane bok eo etan The Watchtower ñan kõmel̦el̦e ta eo Baibõl̦ ej ba.
