KATAK 18
Kwal̦o̦k Mel̦el̦e ko Armej ro Renaaj Katak Jãni
1 Korint 9:19-23
ILO TUKADU: Kõm̦m̦an bwe armej ro ren kõl̦mãnl̦o̦kjen̦ kõn men ko kwõj kõnono kaki bwe ren kile bwe ewõr men en̦ rar katak.
KILEN AM̦ KÕM̦M̦ANE:
-
L̦õmn̦ak kõn ta ko em̦õj an armej ro jel̦ã kadede. Ijello̦kun am̦ ãliji men ko em̦õj an armej ro jel̦ã kadede, jipañ er ñan lo boin ko rejjañin kar jel̦ã kaki kõn katak eo.
-
Pukot mel̦el̦e ko im kõl̦mãnl̦o̦kjen̦ kaki. Ñe ekkar, kwõmaroñ kobaik mel̦el̦e ko armej ro rejjañin kar roñ kaki ak nuuj ko rekããl ñan kõmel̦el̦eik boin ko raorõk. Lukkuun kõl̦mãnl̦o̦kjen̦ kõn katak eo kwõnaaj kõnono kake im wãween an ekkejell̦o̦k ippãn mel̦el̦e ko jet kwõj l̦õmn̦ak in kobaiki.
-
Kwal̦o̦k wãween an wõr tokjãn mel̦el̦e ko kwõj kwal̦o̦ki. Kõmel̦el̦eik wãween an boin ko ilo eoon ko naaj jipañ armej ro ilo mour ko aer kajjojo raan. Kõnono kõn men ko rejejjet ñan mour ko an armej ro, ãinwõt l̦õmn̦ak im kõm̦m̦an ko im wãween ko ekkã aer iiooni.
