BAAT 3
Kar Ewi Wãween Mour ilo Jikin Kallib in Iden?
Jeova ear lel̦o̦k elõñ men ko rem̦m̦an ñan Adam im Iv. Jenesis 1:28
Jeova ear kõm̦anm̦an kõrã eo m̦oktata im lel̦o̦k bwe en pãleen Adam. Etan kõrã eo m̦oktata in Iv.
Jeova ear kõm̦anm̦an erro bwe ren weeppãn. Kõn men in, rar ãjmour. Bareinwõt ear em̦m̦an kõmãlij ko aer kõnke ear em̦m̦an l̦õmn̦ak ko aer, pepe ko aer, im men ko rar kõm̦m̦ani.
Erro ar jokwe ilo jikin kallib in Iden. Ear juon jikin eaiboojoj. Elõñ reba im wõjke ko enno̦ leer im menin mour ko ie.
Jeova ear kõnono ñan erro im katakin erro. El̦aññe ren kar roñjake Jeova, renaaj kar mour ioon lal̦ in ñan indeeo ilo pedetaij.
Juon wõt wõjke Anij ear ba bwe ren jab m̦õñã jãn leen. Jenesis 2:16, 17
Juon iaan enjel̦ ro ear oktak im jum̦ae Anij. Enjel̦ in enana ej Setan Tepil̦ eo.
Jeova ear kwal̦o̦k ñan Adam im Iv juon wõjke ilo jikin kallib in Iden. Innem ear jiroñ erro bwe el̦aññe renaaj m̦õñã jãn leen wõjke in, erro naaj mej.
Setan ear jab kõn̦aan bwe Adam im Iv ren pokake Jeova. Innem, ear kõm̦m̦an bwe juon jedpãnit ak snake en kõnono ñan Iv. Ear ba ñan Iv bwe el̦aññe ej m̦õñã jãn leen wõjke eo eban mej ak enaaj oktak im ãinwõt Anij. Bõtab, Setan ear riab.
You May Also Like
ESSENTIAL BIBLE TEACHINGS
Etke Anij ear Kõm̦anm̦an Lal̦ In?
Lal̦ in eobrak kõn men ko raiboojoj. Anij ear kõm̦m̦an bwe lal̦ in en lukkuun jejjet joñan ettol̦o̦kin jãn al̦. Ear bareinwõt kõm̦m̦an bwe en jejjet joñan an lã, im bwe en jejjet joñan an erro̦o̦lol. Etke Anij ear lukkuun jol̦o̦k el̦ap iien ñan l̦õmn̦ak kõn wãween an naaj kõm̦anm̦an lal̦ in eaiboojoj?
