M̦okta jãn amiro katak

1. 1. Lukkuun kõppojakl̦o̦k im̦aan. Ilo iien eo kwõj kõm̦m̦ane men in, l̦õmn̦ak kõn aikuj ko an rũkkatak eo, wãween ko ej iiooni, im men ko ej tõmaki. Kajjioñ kõtmãne l̦o̦k im̦aan jet iaan men ko emaroñ aikuj jipañ ñan mel̦el̦e kaki ak jerbali. L̦õmn̦ak kõn wãween an mel̦el̦e ko ilo m̦õttan eo “Kal̦apl̦o̦k Am̦ Mel̦el̦e” maroñ jipañe. Pojakin kõjerbali mel̦el̦e kein ilo iien amiro katak ilo jabdewõt iien ej aikuj jipañ.

Ilo iien amiro katak

1. 2. Jinoe im kõjem̦l̦o̦k iien katak eo kõn jar ñe em̦m̦an ippãn rũkkatak eo.

2. 3. Kõjparok bwe en jab l̦ap am̦ kõnono. Kate eok ñan kõnono wõt kõn mel̦el̦e ko ilo katak eo, im kõtl̦o̦k bwe rũkkatak eo en kwal̦o̦k l̦õmn̦ak ko an.

3. 4. M̦okta jãn amiro jino juon m̦õttan ilo bok in, riiti ijo ej ba “Men ko Naaj Etali” ñan kajjojo m̦õttan, innem etale jet iaan taitõl̦in katak ko ilowaan m̦õttan eo.

4. 5. Ñe em̦õj amiro kõjem̦l̦o̦k juon m̦õttan, etale ijo ej ba “Ãliji M̦õttan” ñan jipañ rũkkatak eo am̦ ñan keememej katak ko rem̦ool ear katak kaki.

5. 6. Ilo am̦ etale katak ko kajjojo ippãn rũkkatak eo am̦:

   1. Riiti pãrokõrããp ko im kõmel̦el̦e ko jet.

   2. Riiti aolep eoon ko rej ba “Riit.”

   3. Riiti eoon ko jet, ñe ekkar.

   4. Kõjo̦e aolep pijain alwõj ko rej ba “Kõjo̦e” (ñe kwõmaroñ).

   5. Etale kajjitõk ko kajjojo ippãn rũkkatak eo.

   6. Jitõñl̦o̦k ñan pija ko ium̦win m̦õttan eo etan “Kam̦wilal̦l̦o̦k Am̦ Mel̦el̦e,” im kajjitõk ippãn rũkkatak eo bwe en kwal̦o̦k l̦õmn̦ak ko an kake.

   7. Kõjerbal bo̦o̦k eo etan “Mejãnkajjik” ñan jipañ rũkkatak eo am̦ ñan lale ejet an kõm̦m̦an wõnm̦aanl̦o̦k. Kwõmaroñ rõjañe ñan kõjerbal mejãnkajjik eo em̦õj kõllaajrake, ñan kõm̦m̦ane bar juon an make mejãnkajjik, ak ñan kõm̦m̦ani men kein jim̦or.

   8. Kajjitõk ippãn rũkkatak eo am̦ ñe ear em̦m̦an ippãn juon iaan katak ko ak pijain alwõj ko ilo m̦õttan eo etan “Kal̦apl̦o̦k Am̦ Mel̦el̦e” ke ear kõpooj katak eo.

   9. Kajjioñ kadedeikl̦o̦k juon katak ilo juon wõt iien.

Ãlikin amiro katak

1. 7. Wõnm̦aanl̦o̦k wõt im l̦õmn̦ak kõn rũkkatak eo am̦. Jar im kajjitõk ippãn Jeova bwe en kõjeraam̦m̦an rũkkatak eo am̦ ilo an kõm̦m̦an wõnm̦aanl̦o̦k im ñan lewaj mãlõtlõt bwe kwõn maroñ jel̦ã kilen jipañe.