Men eo Jesus Ear Kõm̦m̦ane

Ta eo Jej Katak jãn Jesus?

2. Jej aikuj kõnono ñan rũkkatak ro ilo yokwe, ak ilo ejja iien eo wõt jen jab jenliklik jãn ad kwal̦o̦k ta ko rej aikuj kõm̦m̦ani bwe ren maroñ kõmman wõnm̦aanl̦o̦k.

 Anõke Jesus

3. Jipañ rũkkatak eo am̦ ñan kõm̦m̦an mejãnkajjik ko im tõpari.

1.    Kõjerbal m̦õttan eo “Mejãnkajjik” ilo kajjojo katak ko ilo bok eo M̦õn̦õn̦õ kõn Mour ñan Indeeo!

2.   Jipañ rũkkatak eo am̦ ñan mel̦el̦e buñtõn ne ko ej aikuj kõm̦m̦ani bwe en maroñ tõpar mejãnkajjik ko reddik me enaaj m̦õkaj an maroñ tõpari, im mejãnkajjik ko rel̦l̦apl̦o̦k me enaaj bõk iien ñan an tõpari.

3.   Ekkeini am̦ nõbare rũkkatak eo am̦ kõn wõnm̦aanl̦o̦k ko ej kõm̦m̦ani.

4. Lale ta ko rej kapañe rũkkatak eo am̦ jãn an kõm̦m̦an wõnm̦aanl̦o̦k im jipañe anjo̦ ioer.

1.    Kajjitõk ippam̦ make:

   • ‘El̦aññe rũkkatak eo aõ ejjab kõm̦m̦an wõnm̦aanl̦o̦k ñan an peptaij, ta eo ej bõbraiki?’

   • ‘Ta ko imaroñ kõm̦m̦ani ñan jipañe?’

2.   Jar im kajjitõk bwe Jeova en lewaj peran ñan kõnono ippãn rũkkatak eo am̦ ilo yokwe im bwe kwõn jab jenliklik jãn am̦ kwal̦o̦k ta ko ej aikuj kõmmani.

5. Bõjrak jãn am̦ katak ippãn juon eo ejjab kõm̦m̦an wõnm̦aanl̦o̦k.

1.    Kwõmaroñ lale el̦aññe rũkkatak eo am̦ ej kõm̦m̦an wõnm̦aanl̦o̦k ikijjeen am̦ etale kajjitõk kein:

   • ‘Rũkkatak eo aõ ej ke jerbali men ko ej katak kaki?’

   • ‘Ej ke itok ñan iien kweilo̦k ko im kwal̦o̦k ñan ro jet kõn m̦ool eo?’

   • ‘Ñe ej juon eo me eto an katak, ekõn̦aan ke erom juon iaan Ri-Kõnnaan ro an Jeova?’

2.   El̦aññe juon rũkkatak ejjab kõn̦aan kõm̦m̦an wõnm̦aanl̦o̦k:

   • Kajjitõk ippãn ñan kõl̦mãnl̦o̦kjen̦ kõn ta eo ej bõbraiki jãn an kõm̦m̦an wõnm̦aanl̦o̦k.

   • Ilo jouj, kõmel̦el̦eiki unin am̦ kabõjrake amiro katak.

   • Kaalikkar ñane ta wõnm̦aanl̦o̦k ko ej aikuj kõm̦m̦ani m̦okta jãn amiro maroñ bar jino katak.