3:1-5, UBS

Etke Jesus ear bũrom̦õj kõn an pen bũruon rũtõlin kabuñ ro an RiJu ro? Kõnke rar kapenl̦o̦k kien eo kõn raanin Jabõt ilo aer kar kobaikl̦o̦k elõñ kien ko ejettokjãer. Ñan waanjoñak, ekar mo̦ an armej ro m̦an juon kij jidikdik (flea) meñe ej kũk ilo raanin Jabõt. Bareinwõt, wãween eo wõt emãlim ñan kõmour juon rinañinmej ej ñe mour eo an elukkuun pãd ilo kauwõtata. Mel̦el̦ein bwe ñe eiñrõk neen juon armej ak ebwilo̦k diin, rejjab aikuj kõm̦m̦an jabdewõt ñane ilo raanin Jabõt. Innem elukkuun alikkar bwe rũtõlin kabuñ rein rar jab inepata ñan jidik kõn em̦m̦aan eo emej pã eo pein rãjet im nokjek addiin pein.