Jãnwõde 15-21
JOB 36-37
Al 147 im Jar | Naanin Kõppel̦l̦o̦k (1 min.)
1. Unin Am̦ Maroñ Lõke Kallim̦ur eo an Anij kõn Mour ñan Indeeo
(10 min.)
Jeova make ej mour ñan indeeo (Job 36:26; w15 11/1 13 pãr. 1-2)
Ewõr ippãn Jeova mãlõtlõt im kajoor eo ñan kõm̦m̦an bwe en wõr wõt mour (Job 36:27, 28; w20.05 22 pãr. 6)
Jeova ej katakin kõj wãween ad maroñ bõk mour indeeo (Job 36:4, 22; Jon 17:3)
Ñe elukkuun kajoor tõmak eo ad ilo kallim̦ur eo an Anij kõn mour indeeo, men in enaaj jipañ kõj ñan kijenmej wõt ium̦win wãween ko reppen ilo mour ko ad.—Hi 6:19; w22.10 28 pãr. 16.
2. Kũbwij Naanin Anij
(10 min.)
-
Job 37:20—Ewi wãween an armej ro kar roñ im jel̦ã kõn ennaan im mel̦el̦e ko ilo iien ko ilo Baibõl̦? (it-1 492)
-
Boin ta ko kwaar kũbwiji im loi jãn jebta ko an wiik in me kokõn̦aan kwal̦o̦k kaki?
3. Riit Baibõl̦
(4 min.) Job 36:1-21 (th katak 2)
4. Jinoe Am̦ Bwebwenato Ippãn Juon Armej
(3 min.) KWAL̦O̦K NAAN ILO̦BWILEJ. (lmd-E katak 3 boin 3)
5. Bar Jepl̦aak
(4 min.) EM̦ ÑAN EM̦. (lmd-E katak 2 boin 5)
6. Kõmel̦el̦eik Tõmak eo Am̦
(5 min.) Katak. ijwfq 57 pãr. 5-15—Unin Tõl: Etke kar Jum̦ae im Kaeñtaan Ri-Kõnnaan ro an Jeova ilo Iien Holocaust eo? (th katak 18)
Al 49
7. Pojakl̦o̦k Im̦aan ñan Wãween ko Kwõmaroñ Iiooni Ikijjeen Taktõ ak M̦wijm̦wij
(15 min.) Bwebwenato ippãn ri-kweilo̦k ro im kwal̦o̦k kajjitõk. Juon iaan em̦m̦aan ro rej lale eklejia en kwal̦o̦k katak in.
Em̦õj an doulul eo an Jeova litok kein jipañ ko ñan jipañ kõj pokake kien eo an Anij ikijjeen bõtõktõk. (Jrb 15:28, 29) Kwõj ke lukkuun kortokjãn menin jipañ kein?
Peba in Jab Bõk Bõtõktõk eo (DPA) im Identity Card eo (ic): Kaat kein rej kwal̦o̦k kõn kõn̦aan ko an juon armej ikijjeen wãween an taktõ ro kõjerbal bõtõktõk. Ri-kwal̦o̦k naan ro em̦õj aer peptaij remaroñ ebbõk aer pepa in jab bõk bõtõktõk im Identity Card eo ñan ajri ro nejier jãn eo ej lale jikin bok ko. Kaat kein rej aikuj pãdwõt ippãd aolep iien. El̦aññe kwõj aikuj kanne ak kõkããli mel̦el̦e ko ie, jab aepedped.
Pepa eo etan Information for Expectant Mothers (S-401) im Information for Patients Requiring Surgery or Chemotherapy (S-407): Pepa kein rej jipañ kõj ñan ad lukkuun pojakl̦o̦k im̦aan ñan iien ad taktõ, ekitibuj an taktõ ro kõjerbal bõtõktõk. Kajjitõk ippãn em̦m̦aan ro rej lale eklejia ñan bõk juon am̦ kaape in pepa kein el̦aññe kwõj bõro̦ro, kwõj aikuj m̦wijm̦wij, ak ñe kwõj aikuj bõk juon kilen kõm̦adm̦õd nañinmej in cancer.
Hospital Liaison Committee (HLC): Em̦m̦aan ro me rej uwaan kumi eo ej loloodjake ro renañinmej (HLC) rej jet ro em̦õj aer bõk kamminene im rej pojak in lel̦o̦k mel̦el̦e ko ñan taktõ ro im ri-kwal̦o̦k naan ro ikijjeen bõtõktõk. Remaroñ kõnnaan ippãn taktõ eo am̦ kõn kein kõm̦adm̦õd ko jet me rejjab kitibuj an juon bõk bõtõktõk. El̦aññe emenin aikuj, remaroñ jipañ eok ñan pukot juon taktõ me ej kautiej pepe ko am̦. Kwõmaroñ tõpar em̦m̦aan rein jabdewõt iien im jabdewõt awa. Kõnnaanek em̦m̦aan ro rej pãd ilo HLC ilo iien eo em̦õkajtata ñe kwõj pãd ilo jabdewõt wãween me ej kõm̦m̦an am̦ aikuj pãdwõt ilo aujpitõl̦, ñe kwõj aikuj m̦wijm̦wij, ak ñe kwõj bar bõk juon kilen kõm̦adm̦õd—ãinwõt ñan kõm̦adm̦õd nañinmej in cancer. Elukkuun aorõk am̦ kõm̦m̦ane men in meñe kwõmaroñ l̦õmn̦ak bwe kein kõm̦adm̦õd in ejjab kitibuj aer kõjerbal bõtõktõk. Kwõj aikuj bar kõm̦m̦ane men in ñe kwõj bõro̦ro. El̦aññe kwõj aikuj jipañ, kajjitõk ippãn juon iaan em̦m̦aan ro rej lale eklejia kõn wãween am̦ maroñ tõpar em̦m̦aan ro ilo HLC.
Kõjo̦e PIJAIN ALWÕJ eo etan Hospital Liaison Committees—How Do They Assist? Innem kajjitõk ippãn ri-kweilo̦k ro kajjitõk in:
Ewi wãween an em̦m̦aan ro ilo HLC maroñ jipañ eok ñe kwõj aikuj taktõ ak m̦wijm̦wij?
8. Katak Baibõl̦ an Eklejia
(30 min.) bt katak 4 pãr. 9-12, bo̦o̦k eo ilo peij 38
