Jãnwõde 8-14
JOB 34-35
Al 30 im Jar | Naanin Kõppel̦l̦o̦k (1 min.)
1. Ñe Jej Loe bwe Men ko Renana rej Wal̦o̦k ñan Ro Rem̦m̦an
(10 min.)
Keememej bwe Jeova eban kõm̦m̦an bwe men ko rejjab jim̦we ren wal̦o̦k (Job 34:10; wp19.1 8 pãr. 2)
Emaroñ ãinwõt ñe armej ro renana rejjab bõk kaje kõn men ko renana rej kõm̦m̦ani; Ijoke, rejjab maroñ kũttiliek jãn Jeova (Job 34:21-26; w17.04 10 pãr. 5)
Wãween eo em̦m̦antata ñan jipañ ro rej eñtaan kõn men ko rejjab jim̦we ej ilo ad katakin er kõn Jeova (Job 35:9, 10; Mt 28:19, 20; w21.05 7 pãr. 19-20)
2. Kũbwij Naanin Anij
(10 min.)
Job 35:7—Ta mel̦el̦e eo an kar Ilaihu ke ear kajjitõk ippãn Job im ba: “[Anij] ej bõk ta jãn peim̦?” (w17.04 29 pãr. 3)
Boin ta ko kwaar kũbwiji im loi jãn jebta ko an wiik in me kokõn̦aan kwal̦o̦k kaki?
3. Riit Baibõl̦
(4 min.) Job 35:1-16 (th katak 10)
4. Jinoe Am̦ Bwebwenato Ippãn Juon Armej
(3 min.) EM̦ ÑAN EM̦. Kajjitõk ippãn armej eo ñe ekõn̦aan katak Baibõl̦. (lmd-E katak 10 boin 3)
5. Jinoe Am̦ Bwebwenato Ippãn Juon Armej
(4 min.) KWAL̦O̦K NAAN ILO IIEN EM̦M̦ANTOK. Kwal̦o̦k ñan juon eo ewõr nejin ajri kilen an maroñ lo mel̦el̦e ko remaroñ jipañ ro jemãn im jinen ilo jw.org. (lmd-E katak 1 boin 4)
6. Kõm̦m̦an Ri-Kal̦oor
(5 min.) lff katak 13 boin 5 (lmd-E katak 11 boin 3)
Al 58
7. Epãd Ke Ippam̦ Kõn̦aan eo ñan “Kwal̦o̦k kõn Naan eo” ilo Iien Em̦m̦antok?
(15 min.) Bwebwenato ippãn ri-kweilo̦k ro im kwal̦o̦k kajjitõk.
Paul ear lukkuun rõjañ Timote im ba: “Kwõn kwal̦o̦k kõn naan eo; kwõn jab aepedped kake.” (2Ti 4:2) Naan in Grik eo me kar ukote ñan naan kein “kwõn jab aepedped kake” rar kõjerbale jet iien ñe rej jitõñl̦o̦k ñan juon rũttarin̦ae ak juon ri-waj eo me aolep iien ej pojak in kõm̦m̦an jabdewõt ñe enãj wõr men eo ewal̦o̦k. Elukkuun jejjet an naan kein kõmel̦el̦eik kõn̦aan eo ad ñan jab aepedped ak bwe jen pojak wõt aolep iien ñe enaaj wõr iien ko repel̦l̦o̦k ñan ad kwal̦o̦k naan ñan armej ro jej bwebwenato ippãer.
Yokwe eo ad ñan Jeova im ad kam̦m̦oolol E kõn aolep men ko ej kõm̦m̦ani ñan kõj ej kõm̦akũt kõj ñan kwal̦o̦k ñan ro jet kõn kadkad ko an rem̦m̦an.
Riit Sam 71:8. Innem kajjitõk ippãn ri-kweilo̦k ro kajjitõk in:
Ta men ko rem̦m̦an kõn Jeova kokõn̦aan kwal̦o̦k kaki ñan ro jet?
Yokwe eo ad ñan armej ej bar kõm̦akũt kõj ñan ad kwal̦o̦k naan ilo iien em̦m̦antok.
Kõjo̦e PIJAIN ALWÕJ eo etan How Hundreds Found Bible Truth. Innem kajjitõk ippãn ri-kweilo̦k ro kajjitõk kein:
Ewi wãween an kwal̦o̦k naan ilo iien em̦m̦antok jipañ elõñ bukwi armej ñan aer lo m̦ool eo jãn Baibõl̦?
Ewi wãween an kar rein me rar uwaan juon im̦õn jar bõk tokjãn jãn aer kar katak m̦ool eo?
Ewi wãween an yokwe eo ad ñan armej kõm̦akũt kõj ñan ad kwal̦o̦k naan ilo iien em̦m̦antok?
Etke kwõj l̦õmn̦ak bwe ad kwal̦o̦k naan ilo iien em̦m̦antok ej juon wãween ekanoojin em̦m̦an ñan ad jipañ ro jet bwe ren jel̦ã kõn Jeova?
8. Katak Baibõl̦ an Eklejia
(30 min.) bt katak 4 bo̦o̦k eo ilo peij 37
