Em̦m̦an ke ippam̦ pijain alwõj ko im kajjitõk ko ñan kõl̦mãnl̦o̦kjen̦ ilo bok eo M̦õn̦õn̦õ kõn Mour ñan Indeeo!? Ak men ko jet ãinwõt “Jet Armej Rej Ba,” “Mejãnkajjik,” im “Kal̦apl̦o̦k Am̦ Mel̦el̦e”? Ta jet iaan men ko ilo bok in me kwõmaroñ lo bwe remaroñ jipañ ilo jerbalin kõm̦m̦an ri-kal̦oor?​—Mt 28:19, 20.

Pijain Alwõj im Kein Katak ko: El̦aññe kwõj kããlõt ñan katak ippãn juon armej kõn bok eo me em̦õj bũriini, ewi wãween bwe en pidodo am̦ maroñ loe aolep pijain alwõj ko im men ko jet? Ilo bok eo ilo online, kããlõt juon iaan m̦õttan ko emãn. Ilo tulal̦in laajrakin taitõl̦in katak ko, kwõmaroñ jipede ijo ej ba pijain alwõj im kein katak ko im kwõnaaj loe aolep pijain alwõj ko im kein katak ko ñan m̦õttan eo kwõj katak kake. (Lale pija eo kein kajuon.)

Wãween Etal ñan “Printed Edition”: Ñe kwõj katak ippãn juon armej kõn device ko amiro, ewõr iien kwõmaroñ lo bwe ejipañ ñan kõjerbal “Printed Edition” setting ilo iien amiro katak. Ilo katak eo kwõj katak kake, jiped dot ko jilu ilo toolbar eo ilõñ ilo peij eo im jipede “Printed Edition.” Karõk in emaroñ jipañ eok ñan l̦õmn̦ak wõt kõn wãween men eo kwõj kõnono kake ekkejell̦o̦k ñan aolepen katak eo. Ñan bar ro̦o̦l ñan karõk eo jinoin, kwõmaroñ jipede dot ko jilu im jipede “Digital Edition.”

“Ipojak Ke?”: Bo̦o̦k kein itulal̦ ilo jem̦l̦o̦kin bok eo rej kwal̦o̦k kõn men ko raorõk juon ej aikuj kõm̦m̦ani bwe en maroñ kwal̦o̦k naan ippãn eklejia eo im bwe en maroñ peptaij. (Lale pija eo kein karuo.)

Kõmel̦el̦e: Kõmel̦el̦e ko rej letok kõmel̦el̦e ko jet kõn katak ko raorõk. Bok eo ilo online ewõr link ko ñan kajjojo endnote ko me enaaj bõkl̦o̦k eok jãn ijo kwaar bõjrak ie ilo katak eo. (Lale pija eo kein karuo.)