Jeptõm̦ba 2-8
SAM 79-81
Al 29 im Jar | Naanin Kõppel̦l̦o̦k (1 min.)
1. Kwal̦o̦k Yokwe ñan Ãt eo Eaiboojoj Etan Jeova
(10 min.)
Kõjekdo̦o̦n m̦anit ko me rej kõnanaik Jeova (Sam 79:9; w17.02 9 pãr. 5)
Kũr etan Jeova (Sam 80:18; ijwbv 3 pãr. 4-5)
Jeova enaaj lukkuun kõjeraam̦m̦an ro rej kwal̦o̦k aer yokwe etan ikijjeen aer pokake E (Sam 81:13, 16)
Bwe kõm̦m̦an ko ad ren nõbar im kaiboojoje etan Jeova, jej aikuj kaalikkar ñan ro jet bwe jej juon iaan Ri-Kõnnaan ro an
2. Kũbwij Naanin Anij
(10 min.)
-
Sam 80:1—Etke jet iien Baibõl̦ ej kõjerbale etan Josep ñe ej jitõñl̦o̦k ñan aolep bwij ko an Israel? (it-2 111)
-
Boin ta ko kwaar kũbwiji im loi jãn jebta ko an wiik in me kokõn̦aan kwal̦o̦k kaki?
3. Riit Baibõl̦
(4 min.) Sam 79:1–80:7 (th katak 10)
4. Jinoe Am̦ Bwebwenato Ippãn Juon Armej
(1 min.) EM̦ ÑAN EM̦. Kajjitõk ippãn armej eo ñe ekõn̦aan katak Baibõl̦. (lmd katak 4 boin 4)
5. Jinoe Am̦ Bwebwenato Ippãn Juon Armej
(3 min.) KWAL̦O̦K NAAN ILO IIEN EM̦M̦ANTOK. Kajjitõk ippãn armej eo ñe ekõn̦aan katak Baibõl̦. (lmd katak 4 boin 3)
6. Jinoe Am̦ Bwebwenato Ippãn Juon Armej
(2 min.) KWAL̦O̦K NAAN ILO̦BWILEJ. Kajjitõk ippãn armej eo ñe ekõn̦aan katak Baibõl̦. (lmd katak 3 boin 3)
7. Bar Jepl̦aak
(5 min.) EM̦ ÑAN EM̦. Kajjitõk ippãn juon armej ñe ekõn̦aan katak Baibõl̦ meñe ear jab kõn̦aan katak ilo jinoin. (lmd katak 8 boin 3)
Al 10
8. “Renaaj Kokkwõjarjar Eta”
(15 min.) Bwebwenato ippãn ri-kweilo̦k ro im kwal̦o̦k kajjitõk.
Setan ear jino ruruwe im kõnanaik etan Jeova ilo jikin kallib in Iden. Jãn iien in m̦aanl̦o̦k, men eo el̦aptata an aorõk ñan aolep armej im enjel̦ ro ilõñin men otemjej ej ñan kokkwõjarjar etan Jeova.
L̦õmn̦ak m̦õk kõn jet iaan riab ko Setan ej kajeeded kõn Jeova. Ej ba bwe Jeova ej juon ri-tõl ejjel̦o̦k yokwe ippãn im ejjab kea kõn armej. (Jen 3:1-6; Job 4:18, 19) Setan ej ba bwe ri-karejar ro an Jeova rejjab lukkuun yokwe E. (Job 2:4, 5) Im em̦õj an Setan kõm̦m̦an an elõñ milien armej l̦õmn̦ak bwe Jeova ejjab ri-Kõm̦anm̦an eo an lal̦ in eaiboojoj.—Rom 1:20, 21.
Ewi wãween am̦ eñjake kõn riab kein Setan ej kwal̦o̦ki? Ejjel̦o̦k pere bwe riab kein rej kõm̦m̦an am̦ kõn̦aan jojomare Jeova! Ear jel̦ã bwe armej ro an renaaj kõn̦aan jipañ ñan kokkwõjarjar etan. (Keidi Aiseia 29:23.) Ta ko kwõmaroñ kõm̦m̦ani ñan jipañ?
-
Jipañ ro jet ñan jel̦ã im yokwe Jeova. (Jon 17:25, 26) Pojak ñan kwal̦o̦k kein kam̦ool ko bwe Jeova ej pãd im mour im katakin ro jet kõn kadkad ko an rem̦m̦an.—Ais 63:7
-
Yokwe Jeova kõn aolepen bũruom̦. (Mt 22:37, 38) Pokake kien ko an Jeova ejjab kõnke rej em̦m̦an ñan kwe wõt, ak el̦aptata kõnke kokõn̦aan kam̦õn̦õn̦õik bũruon Jeova.—JK 27:11
Kõjo̦e PIJAIN ALWÕJ eo etan Love Never Fails Despite . . . An Ungodly School Environment. Innem kajjitõk ippãn ri-kweilo̦k ro kajjitõk kein:
-
Ewi wãween an kar Ariel im Diego jojomare etan Jeova?
-
Ta eo ear kõm̦akũt erro ñan jutak pen im jojomare Jeova?
-
Ewi wãween kwõmaroñ anõke joñak eo aer?
9. Katak Baibõl̦ an Eklejia
(30 min.) bt katak 15 pãr. 1-7 im naanin ijjino eo ñan m̦õttan 6
