Oktoba 7-13
SAM 92-95
Al 84 im Jar | Naanin Kõppel̦l̦o̦k (1 min.)
1. Ad Karejar ñan Jeova ej Wãween Mour eo Em̦m̦antata!
(10 min.)
Ej tõllo̦kũn Jeova bwe jen kabuñ ñane (Sam 92:1, 4; w18.04 26 pãr. 5)
Jeova ej jipañ armej ro an bwe ren kõm̦m̦ani pepe ko rem̦m̦an im lo m̦õn̦õn̦õ ilo mour ko aer (Sam 92:5; w18.11 20 pãr. 8)
Ej kaorõk ro rej karejar ñane, ekitibuj ro rerũtto (Sam 92:12-15; w20.01 19 pãr. 18)
KAJJITÕK IPPAM̦ MAKE, ‘Ta eo ej bõbraik eõ jãn aõ ajel̦o̦k mour eo aõ ñan Jeova im peptaij?’
2. Kũbwij Naanin Anij
(10 min.)
-
Sam 92:5—Ewi wãween an naan kein ilo eoon in kwal̦o̦k kõn mãlõtlõt eo an Jeova? (cl 176 pãr. 18)
-
Boin ta ko kwaar kũbwiji im loi jãn jebta ko an wiik in me kokõn̦aan kwal̦o̦k kaki?
3. Riit Baibõl̦
(4 min.) Sam 94:1-23 (th katak 5)
4. Jinoe Am̦ Bwebwenato Ippãn Juon Armej
(4 min.) KWAL̦O̦K NAAN ILO IIEN EM̦M̦ANTOK. Ilo am̦ bwebwenato ippãn armej eo, pukot juon wãween kwõmaroñ kwal̦o̦k ñane kõn jerbal eo kwõj kõm̦m̦ane ãinwõt juon eo ej katak Baibõl̦ ippãn ro jet. (lmd katak 5 boin 3)
5. Bar Jepl̦aak
(3 min.) KWAL̦O̦K NAAN ILO IIEN EM̦M̦ANTOK. Kajjitõk ippãn juon armej eo eitoklimo ñe ekõn̦aan katak Baibõl̦ meñe ear jab kõn̦aan katak ilo jinoin. (lmd katak 8 boin 4)
6. Kõm̦m̦an Ri-Kal̦oor
(5 min.) Bwebwenato ippãn rũkkatak eo am̦ me ejjab kõm̦m̦an wõnm̦aanl̦o̦k ko. (lmd katak 12 boin 5)
Al 5
7. Ñe El̦ap an Jo̦dikdik ro Inepata
(15 min.) Bwebwenato ippãn ri-kweilo̦k ro im kwal̦o̦k kajjitõk.
Meñe jej karejar ñan Jeova, ak jenaaj baj eddodo im inepata wõt jãn iien ñan iien. Ñan waanjoñak, Devid ear inepata elõñ alen ilo mour eo an, im elõñ iaan ro jeid im jatid rej bareinwõt inepata ilo raan kein. (Sam 13:2; 139:23) Ekabũrom̦õjm̦õj bwe ro reddik im jo̦dikdik ro rej bar inepata. Jet iien, aer inepata emaroñ kõm̦m̦an bwe en lukkuun pen ñan kõm̦m̦ani m̦akũtkũt ko an mour in kajjojo raan, ãinwõt etal ñan jikuul̦ ak pãd ilo iien kweilo̦k ko. Joñan emaroñ kõm̦m̦an aer lukkuun wiwijet im jelõt menono ko aer (panic attack), ak emaroñ kõm̦m̦an aer l̦õmn̦ak in bõk mour ko aer make.
Ro reddik im jo̦dikdik ro, el̦aññe etarjen joñan am̦ inepata, kõnono ippãn jem̦am̦ im jinõm̦ ak ippãn juon eo erũtto. Bareinwõt, jar ñan Jeova im kajjitõk bwe en jipañ eok. (Pil 4:6) Enaaj jipañ eok. (Sam 94:17-19; Ais 41:10) L̦õmn̦ak kõn joñak eo an Steing.
Kõjo̦e PIJAIN ALWÕJ eo etan Jehovah Cared for Me. Innem kajjitõk ippãn ri-kweilo̦k ro kajjitõk kein:
• Eoon ta eo ear jipañ Steing, im etke?
• Ewi wãween an kar Jeova lale im kea kake e?
Jemãn im jinen ajri ro, kom̦ maroñ jipañ ro nejũmi ñan kijenmej ñe rej eddodo im inepata ikijjeen am̦ kwal̦o̦k meanwõd im roñjake er, ilo am̦ kwal̦o̦k am̦ yokwe er, im ilo am̦ jipañ er kal̦apl̦o̦k aer lõke bwe Jeova ej yokwe er. (Tai 2:4; Jem 1:19) Atartar wõt ioon Jeova ñan lewaj kaenõm̦m̦an im kajoor eo kwõj aikuji bwe kwõn maroñ rejetake ro nejũm̦.
Jemaroñ jab jel̦ã ñe juon iaan ro jeid im jatid elukkuun l̦ap an inepata ak emaroñ pen ad mel̦el̦e kõn eñjake ko an. Meñe ãindein, ak jemaroñ jipañ ilo ad kaalikkar bwe aolep ro ilo eklejia eo raorõk im jej yokwe er kajjojo.—JK 12:25; Hi 10:24.
8. Katak Baibõl̦ an Eklejia
(30 min.) bt katak 16 pãr. 6-9, bo̦o̦k eo ilo peij 150
