Mejãnkajjik ko ilo tõmak ekitibuj jabdewõt men me jej kate kõj ñan tõpare bwe jen maroñ kal̦apl̦o̦k ijo kun̦aad ñan Jeova im kam̦õn̦õn̦õik e. Rej jipañ kõj ñan kõm̦m̦an wõnm̦aanl̦o̦k ko ilo m̦ool eo im el̦ap tokjãn ad jol̦o̦k iien im maroñ ko ad kaki. (1Ti 4:15) Etke jej aikuj ekkeini ad etali mejãnkajjik ko ad? Kõnke eokkõtaktak wãween ko jej iiooni. Juon mejãnkajjik emaroñ pen ñan ad maroñ tõpare ak bõlen em̦õj ad kar tõpare im kiiõ jemaroñ bar kõm̦m̦ane juon.

Juon iien em̦m̦an ñan bar etale mejãnkajjik ko ad ej m̦okta jãn an jino iiõ in kwal̦o̦k naan eo ekããl. Etke kwõjjab bwebwenato kake men in ilo iien kabuñ an baam̦le eo im kõm̦m̦an jet mejãnkajjik ko ami make im mejãnkajjik ko an baam̦le eo?

Ta mejãnkajjik ko am̦ ilo wãween kein itulal̦, im ta buñtõn ne ko kwõj bũl̦ããn in kõm̦m̦ani ñan tõpare mejãnkajjik kein?