Jeova ear jipañ ro rejeram̦õl ilo iien ko etto ilo kar Israel. Ta jet iaan wãween ko rainin me Jeova ej jipañ ri-karejar ro an me rejeram̦õl?

• Ej jipañ er ñan jel̦ã kilen jokkun wõt juon ilo wãween aer l̦õmn̦ak kõn jããn.​—Lk 12:15; 1Ti 6:6-8

• Ej jipañ er bwe en jab nana aer l̦õmn̦ak kõn er make.​—Job 34:19

• Ej katakin er ñan kate er jerbal im kõjparok jãn imminene ko me rekauwõtata.​—JK 14:23; 20:1; 2Ko 7:1

• Ear kõm̦m̦an bwe ren maroñ del̦o̦ñtok im erom uwaan juon doulul in jemjein jemjati me rej yokwe doon.​—Jon 13:35; 1Jo 3:17, 18

• Ej lel̦o̦k kõjatdikdik ñan er.​—Sam 9:18; Ais 65:21-23

Jekdo̦o̦n ta wãween ko me jej iiooni me emaroñ etal im lukkuun pen, ak jejjab aikuj in inepata. (Ais 30:15) Jeova enaaj lale aikuj ko ad toon wõt ad pukot m̦oktata Aelõñ eo an.​—Mt 6:31-33.

ALWÕJE PIJA EO ETAN YOKWE EJJÃMIN LIKJAB MEÑE . . . JEJ JERAM̦ÕL​—CONGO, INNEM UWAAKE KAJJITÕK KEIN ITULAL̦:

• Ewi wãween an ro jeid im jatid me rej jokwe ilo jikin ko repaake ijoko renaaj kõm̦m̦ane kweilo̦k el̦ap ko ie, kwal̦o̦k karwainene ñan ro me rej itok jãn ijoko rettol̦o̦k ñan iien kweilo̦k el̦ap eo?

• Ta eo pija in ej katakin kõj kõn yokwe eo an Jeova ñan ro rejeram̦õl?

• Ewi wãween ad maroñ anõke Jeova meñe elõñ ak eiiet men ko ippãd?