Jul̦ae 29–O̦kwõj 4
SAM 69
Al 13 im Jar | Naanin Kõppel̦l̦o̦k (1 min.)
1. Wãween an kar Sam 69 Kanaan kõn Men ko Rar Wal̦o̦k ilo Mour eo an Jesus
(10 min.)
Armej rar kõjdate Jesus kõn ejjel̦o̦k un (Sam 69:4; Jon 15:24, 25; w11 8/15 11 pãr. 17)
Jesus ear kijejeto kõn kabuñ eo em̦ool (Sam 69:9; Jon 2:13-17; w10 12/15 8 pãr. 7-8)
Jesus ear lukkuun metak im eddo bũruon im kar lel̦o̦k ñane limen wain eo em̦õj kãreiki kõn dãn meo̦ (Sam 69:20, 21; Mt 27:34; Lk 22:44; Jon 19:34; g95 10/22 31 pãr. 4; it-2 650)
ÑAN KÕL̦MÃNL̦O̦KJEN̦: Etke Jeova ear likũt kanaan ko kõn Messaia eo ilo Jeje ko ilo Kajin Hibru?
2. Kũbwij Naanin Anij
(10 min.)
-
Sam 69:30, 31—Ewi wãween an eoon kein jipañ kõj ñan kakõm̦anm̦anl̦o̦k wãween ad jar? (br2 22 pãr. 11)
-
Boin ta ko kwaar kũbwiji im loi jãn jebta ko an wiik in me kokõn̦aan kwal̦o̦k kaki?
3. Riit Baibõl̦
(4 min.) Sam 69:1-25 (th katak 2)
4. Meanwõd—Men eo Jesus Ear Kõm̦m̦ane
(7 min.) Bwebwenato ippãn ri-kweilo̦k ro im kwal̦o̦k kajjitõk. Kõjo̦e PIJAIN ALWÕJ eo, innem etale lmd katak 8 boin 1-2.
5. Meanwõd—Anõke Jesus
(8 min.) Bwebwenato ippãn ri-kweilo̦k ro im kwal̦o̦k kajjitõk ilo ami etale lmd katak 8 boin 3-5 im “Bar Lale.”
Al 134
6. Aikuj an Eklejia
(5 min.)
7. Naanin Kakapilõk ko ñan Iien Kabuñ an Baam̦le
(10 min.) Bwebwenato ippãn ri-kweilo̦k ro im kwal̦o̦k kajjitõk.
Ilo kar Jãnwõde 2009 eo, kar kobaiki Katak Baibõl̦ an Eklejia ippãn Jikuul̦in Kwal̦o̦k Naan eo im Kweilo̦k in Ad Jerbal ñan Anij ñan juon wõt kweilo̦k ilo lukwõl̦pãn wiik. Men in ear kõmaroñ baam̦le ko ñan aer kõm̦m̦ane iien kabuñ an baam̦le eo kajjojo wiik. Elõñ rar kwal̦o̦k aer kam̦m̦oolol kõn laajrak in kar kõm̦m̦ane ñan jipañ er epaakel̦o̦k wõt Jeova im bwe ren epaakel̦o̦k doon.—Dt 6:6, 7.
Ta jet iaan naanin kakapilõk ko remaroñ jipañ bõran baam̦le ko ñan lo tõprak ilo aer kõm̦m̦ane Iien Kabuñ an Baam̦le eo?
-
Ekkeini am̦ kõm̦m̦ane. Ñe kwõmaroñ, kõjenolo̦k juon iien kajjojo wiik ñan ami kõm̦m̦ane iien kabuñ an baam̦le eo. Bareinwõt, l̦õmn̦akl̦o̦k im̦aan kõn bar juon raan kwõmaroñ kõm̦m̦ane kabuñ an baam̦le eo ñe ebaj wõr juon men ewal̦o̦k ilo idiñ
-
Kõppojakl̦o̦k im̦aan. Kõnono ippãn kõrã eo ippam̦, im jãn iien ñan iien kajjitõk ippãn ajri ro nejũm̦ kõn wãween ko jet kom̦ maroñ kõm̦m̦ani ilo iien kabuñ an baam̦le. Ejjab aikuj aetok am̦ kõppojakl̦o̦k im̦aan, el̦aptata ñe em̦m̦an ippãn baam̦le eo kõm̦m̦ani jet wãween ko ñan katak kajjojo wiik
-
Kõm̦m̦an ukoktak ko ekkar ñan baam̦le eo am̦. Ilo an ajri ro rũttol̦o̦k, eoktak aikuj ko aer im maroñ ko aer. Kõn men in, men ko kom̦ij katak kaki rej aikuj jipañ kajjojo iaan ro ilo baam̦le eo am̦ bwe en kajoorl̦o̦k jem̦jerã ko aer ippãn Jeova
-
Dãpij wõt juon mejatoto eyokwe im eaenõm̦m̦an. Jet iien, kwõmaroñ l̦õmn̦ak kõn an baam̦le eo katak ijoko inabõj ñe em̦m̦an lañ, im kom̦ maroñ kakkije jidik ñe kwõj kile bwe emenin aikuj. Meñe em̦m̦an ñan bwebwenato kõn apañ ko me ajri ro nejũm̦ rej iiooni, ak jab kõjerbal iien kabuñ an baam̦le eo ñan luuki ak kauweik ajri ak jo̦dikdik ro nejũm̦
-
En okkõtaktak wãween am̦ kõm̦m̦ane. Ñan waanjoñak, iien kabuñ an baam̦le eo am̦ emaroñ kitibuj ami kõpooj juon iaan m̦õttan ko ilo kweilo̦k eo tok juon, emaroñ kitibuj ami alwõje im bwebwenato kõn juon pijain alwõj ilo jw.org, ak kom̦ maroñ kõmmãlmeli ta ko kom̦ naaj ba ilo jerbalin kwal̦o̦k naan. Ami bwebwenato ippãn doon ej aikuj men eo el̦aptata ami kõm̦m̦ane ilo Iien Kabuñ an Baam̦le eo. Ijoke emaroñ bareinwõt wõr iien ñan an ro uwaan baam̦le eo ekkatak ippãer make
Bwebwenato kõn kajjitõk in:
-
Em̦õj ke am̦ kajjioñ jerbali naanin kakapilõk kein ilo iien kabuñ an baam̦le eo am̦?
8. Katak Baibõl̦ an Eklejia
(30 min.) bt katak 13 pãr. 8-16, bo̦o̦k eo ilo peij 105
