O̦kwõj 26–Jeptõm̦ba 1
SAM 78
Al 97 im Jar | Naanin Kõppel̦l̦o̦k (1 min.)
1. An kar Ri-Israel Ro Jab Tiljek Ej Juon Menin Kakkõl ñan Kõj
(10 min.)
Ri-Israel ro rar mel̦o̦kl̦o̦k jerbal ko rem̦m̦an an Jeova (Sam 78:11, 42; w96 12/1 29-30)
Ri-Israel ro rar jab kam̦m̦oolol Jeova kõn aolep men ko rem̦m̦an ear lil̦o̦k ñan er (Sam 78:19; w06 10/1 25 pãr. 16)
Ri-Israel ro rar jab katak jãn bõd ko aer ak ekkã aer jab tiljek ñan Jeova (Sam 78:40, 41, 56, 57; w11 7/1 10 pãr. 3-4)
ÑAN KÕL̦MÃNL̦O̦KJEN̦: Ta eo emaroñ jipañ kõj bwe jen maroñ tiljek wõt ñan Jeova?
2. Kũbwij Naanin Anij
(10 min.)
-
Sam 78:24, 25—Etke kar n̦aetan manna eo “grain in lañ” im “pilawã an ro rekajoor”? (w06 7/1 9 pãr. 4)
-
Boin ta ko kwaar kũbwiji im loi jãn jebta ko an wiik in me kokõn̦aan kwal̦o̦k kaki?
3. Riit Baibõl̦
(4 min.) Sam 78:1-22 (th katak 5)
4. Jinoe Am̦ Bwebwenato Ippãn Juon Armej
(3 min.) EM̦ ÑAN EM̦. Kajjitõk ippãn armej eo ñe ekõn̦aan katak Baibõl̦. (lmd katak 5 boin 5)
5. Jinoe Am̦ Bwebwenato Ippãn Juon Armej
(3 min.) EM̦ ÑAN EM̦. Kõjerbale juon tũrããk ñan jino bwebwenato ippãn armej eo. Kajjitõk ippãn ñe ekõn̦aan katak Baibõl̦. (lmd katak 5 boin 4)
6. Jinoe Am̦ Bwebwenato Ippãn Juon Armej
(1 min.) EM̦ ÑAN EM̦. Armej eo ej kajjitõk ñe kwõmaroñ kõnnaan ilo tukadu. Kajjitõk ippãn ñe ekõn̦aan katak Baibõl̦. (lmd katak 2 boin 5)
7. Jinoe Am̦ Bwebwenato Ippãn Juon Armej
(4 min.) KWAL̦O̦K NAAN ILO IIEN EM̦M̦ANTOK. Ilo am̦ jab kajju kwal̦o̦k kõn Baibõl̦ eo, pukot juon wãween kwõmaroñ kwal̦o̦k ñan armej eo bwe kwõj juon iaan Ri-Kõnnaan ro an Jeova, innem kajjitõk ippãn ñe ekõn̦aan katak Baibõl̦. (lmd katak 2 boin 4)
Al 96
8. Katak jãn Joñak eo an Pilip, Ri-Kwal̦o̦k Naan Eo
(15 min.) Bwebwenato ippãn ri-kweilo̦k ro im kwal̦o̦k kajjitõk.
Baibõl̦ eo eobrak kõn waanjoñak ko rem̦m̦an im waanjoñak ko renana. Bwe jen maroñ lukkuun bõk tokjãn jãn waanjoñak kein, jej aikuj kõm̦m̦an iien im lukkuun kate kõj ñan katak kaki. Ñe jej riiti bwebwenato ko ilo Baibõl̦, jej aikuj bar kõl̦mãnl̦o̦kjen̦ kõn ta ko jej katak, innem jerbali.
Pilip ekar juon ri-kwal̦o̦k naan eo me ro jet rar jel̦ã kake ãinwõt juon eo ‘eobrak kõn mãlõtlõt im jetõb kwõjarjar.’ (Jrb 6:3, 5) Ta ko jemaroñ katak jãn joñak eo an?
Kõjo̦e PIJAIN ALWÕJ eo etan Learn From Them—Philip the Evangelizer. Innem kajjitõk ippãn ri-kweilo̦k ro kõn ta ko rar katak kõn kajjojo iaan boin kein:
-
Men ko Pilip ear kõm̦m̦ani ke ear oktak wãween ko ear iiooni ilo mour eo an ilo idiñ.—Jrb 8:1, 4, 5
-
Jeraam̦m̦an ko Pilip ear loi kõn an kar m̦õn̦õn̦õ in jerbal ilo juon jikin el̦ap aikuj jipañ ie.—Jrb 8:6-8, 26-31, 34-40
-
Tokjãn ko Pilip im baam̦le eo an rar loi kõn aer kar kwal̦o̦k karwainene.—Jrb 21:8-10
-
Lañlõñ eo baam̦le eo ilo pijain alwõj eo ear loe kõn aer kar l̦oore joñak eo an Pilip
9. Katak Baibõl̦ an Eklejia
(30 min.) bt katak 14 pãr. 11-20
