Rũtto ro me rej karejar ñan Anij, relukkuun kõn̦aan loe an ro nejier rũttol̦o̦k im erom rũkarejeran Jeova. Remaroñ kõm̦m̦ane men in ikijjeen aer katakin er bwe katak ko ilo Baibõl̦ ren tõpar bũrueer jãn ke rej dik wõt. (Dt 6:7; JK 22:6) Ewõr ke men ko rũtto ro renaaj aikuj kaarmejjeteiki bwe ren maroñ kõm̦m̦ane men in? Ejjel̦o̦k pere aet! Ijoke elõñ tokjãn ko renaaj loi tokãlik.​—3Jo 4, UBS.

Elõñ men ko rũtto ro remaroñ katak jãn Joseph im Meri. Kajjojo iiõ rekõn “ilo̦k ñan Jerusalem ilo iien kwõjkwõjin Kijoone” eo meñe emaroñ kar pen im rar aikuj jol̦o̦k el̦ap jããn. (Luk 2:41, UBS) Aerro kar kõm̦m̦ane men in ej kaalikkar bwe men eo eaorõk ippãerro ej bwe baam̦le eo aer en epaakel̦o̦k Jeova. Ilo ejja wãween in wõt, jemãn im jinen ajri ro remaroñ kipel ro nejier ilo ial̦ eo ejim̦we. Remaroñ kõm̦m̦ane men in ikijjeen aer kortokjãn jabdewõt iien epel̦l̦o̦k ñan katakin er ilo naan im ilo kõm̦m̦an.​—Sam 127:3-5.

ALWÕJE PIJA EO THEY TOOK EVERY OPPORTUNITY, INNEM UWAAKE KAJJITÕK KEIN:

• Ewi wãween an kar Jon im Sharon Schiller likũt Aelõñ eo an Anij m̦oktata ilo aer kar kipel im lale baam̦le eo aer?

• Etke wãween an rũtto ro katakin ro nejier ej aikuj ekkar ñan aikuj ko an ajri ro kajjojo?

• Ewi wãween rũtto ro remaroñ kõpooj ro nejier bwe ren maroñ jutak pen kõn tõmak eo aer?

• Ta kein jipañ ko jãn doulul eo an Jeova me em̦õj am̦ kõjerbali ñan jipañ ro nejũm̦ ñan rũttol̦o̦k ilo tõmak?