UNIN AN AORÕK KÕL IN: Ad katak Naanin Anij ippãd make ej jipañ kõj bwe jen maroñ ‘mel̦el̦e kõn depakpakin, aetokan, utiejen, im m̦wilal̦in’ m̦ool eo. (Ep 3:18) Ej bar jipañ kõj ñan kõjparok wõt bwe en ejjel̦o̦k n̦otaad im jab lippijinjin ke jej pãd ilo jukjukun pãd in enana im bwe jen maroñ “dãpij wõt ennaan eo kõn mour.” (Pil 2:15, 16) Ñe jej katak Naanin Anij ippãd make, jemaroñ kããlõt ñan etale katak ko kõj kajjojo jej aikuji. Ta ko jemaroñ kõm̦m̦ani bwe jen lukkuun bõk el̦ap tokjãn jãn ad riit im katak Baibõl̦?

KILEN KÕM̦M̦ANE:

• Kõkal̦l̦eik eoon ko ilo Baibõl̦ eo am̦ im je mel̦el̦e ko ie, emaroñ ilo juon peba ak ilo tablet eo nejũm̦

• Ilo am̦ riit Naanin Anij, kajjitõk ippam̦ make kajjitõk kein: ‘Wõn? Ta? Ñããt? Ia? Etke? Ewi wãween?’

• Pukot mel̦el̦e ko. Ilo am̦ kõjerbal kein kappok mel̦el̦e ko, kwõmaroñ kappok ekkar ñan eoon ko ak naan ko

• Kõl̦mãnl̦o̦kjen̦ kõn men eo kwõj riiti bwe kwõn maroñ jel̦ã ewi wãween an jelõt kwe

• Jerbale men ko kwõj katak kaki ilo mour eo am̦ kajjojo raan.​—Lk 6:47, 48

ALWÕJE PIJA EO ETAN, KEEP “A TIGHT GRIP”​—THROUGH EFFECTIVE PERSONAL STUDY, INNEM UWAAKE KAJJITÕK KEIN:

• Ta ko jet rar ba kõn tokjãn ko rar loi jãn aer katak ippãer make?

• Etke aolep iien jej aikuj jino kõn jar m̦okta jãn ad katak ippãd make?

• Ta ko remaroñ jipañ kal̦apl̦o̦k ad mel̦el̦e kõn eoon ko ilo Baibõl̦?

• Ta kõkal̦l̦e ko jemaroñ kõm̦m̦ani ilo Baibõl̦ eo ad ñe jej katak?

• Etke elukkuun aorõk ñan kõl̦mãnl̦o̦kjen̦ ñe jej katak Naanin Anij?

• Ta eo jej aikuj kõm̦m̦ane kõn men ko jej katak?