Jãn Jãnwõde 2018 eo, waanjoñak ko kõn kilen bwebwenato ippãn armej rar jino wal̦o̦k ilo tum̦aanin ak kilin bok eo Jerbal eo Ad im Wãween Ad Mour​—Kein Katak. Ewi wãween ad maroñ kõjerbali?

Ñe Rej Lewaj Juon Am̦ Katak: Kwõj aikuj kõjerbal kajjitõk eo, eoon eo, im kajjitõk eo ej ekkejell̦o̦k ilo waanjoñak eo kõn kilen bwebwenato ippãn armej. Bõtab, ejjab mel̦el̦ein bwe kwõj aikuj anõke naan ko kar kõjerbali ilo waanjoñak eo ilo pija eo kõn kilen bwebwenato ippãn armej. Kwõmaroñ ukot wãween eo, naanin ijjino eo, unin kõnono eo, ak men ko ãierl̦o̦kwõt. Kwõmaroñ bar lel̦o̦k juon bok jãn Nien Kein Jerbal eo Ad ñan Katakin, meñe kar jab kwal̦o̦k kake ilo kõmel̦el̦e eo ñan katak eo kwõj kwal̦o̦ke.

Ñe Kwõj Jerbalin Kwal̦o̦k Naan: Waanjoñak ko kõn kilen bwebwenato ippãn armej kar litok ñan jipañ kõj kõn jet l̦õmn̦ak ak kõl ko. Ñe juon armej ej kwal̦o̦k an lukkuun itoklimo im kõn̦aan kal̦apl̦o̦k an jel̦ã, kwõmaroñ wõnm̦aanl̦o̦k im bwebwenato ippãn, bõlen ilo am̦ kõjerbal mel̦el̦e ak l̦õmn̦ak ko ilo waanjoñak eo kõn kilen bar jepl̦aak. Kwõmaroñ ukot jidik waanjoñak eo kõn kilen bwebwenato ippãn armej ak kõjerbal bar juon wãween me eoktak. Juon iaan men ko kar kõnono kaki jãn kar waanjoñak ko ilo juon iaan allõñ ko rej kab mootl̦o̦k ak juon eoon eoktakl̦o̦k, emaroñ ke l̦apl̦o̦k an tõpar bũruon armej ro ilo teretore eo am̦? Armej ro ilo ijo kwõj jokwe ie el̦apl̦o̦k ke aer itoklimo kõn juon men ej kab wal̦o̦k ak kõn ennaan ko rej wal̦o̦k ilo jikin eo? Jekdo̦o̦n ta eo kwõj kããlõt ñan kõjerbale ilo waanjoñak ko kõn kilen bwebwenato ippãn armej, mejãnkajjik eo am̦ ej aikuj bwe kwõn ‘kõm̦m̦an men otemjej kõn wõt ennaan eo em̦m̦an bwe kwõn maroñ in kwal̦o̦ke ñan ro jet.’​—1Ko 9:22, 23.