UNIN AN AORÕK KÕL IN: Ñe rũkkatak ro rej kõpooje katak eo, enaaj pidodol̦o̦k aer mel̦el̦e im keememej men eo jej katak ippãer kake. El̦ak l̦apl̦o̦k aer mel̦el̦e, em̦õkajl̦o̦k aer kõm̦m̦an wõnm̦aanl̦o̦k. Im meñe ãlikin aer peptaij, ak renaaj aikuj in kõppojak ñan kweilo̦k ko im ñan kwal̦o̦k naan bwe ren maroñ in ‘ekkõl wõt’ ilo raan kein ãliktata. (Mt 25:13) Kõn men in, aer jel̦ã kilen kõpooje katak ko im an wõr juon aer laajrak in katak ippãer make, enaaj jipañ er ilo aolepen mour eo aer. Jãn jinoin, jej aikuj jipañ rũkkatak ro ad im kammineneik er make ñan kõpooje katak eo aer.

KILEN KÕM̦M̦ANE:

• Kwõn juon joñak em̦m̦an. (Rom 2:21) Kõpooje katak eo l̦o̦k im̦aan im ilo am̦ kõm̦m̦ane men in kwõn l̦õmn̦ak kõn aikuj eo an rũkkatak eo. (km 11/15 3) Kwal̦o̦k bok eo am̦ ñane me em̦õj am̦ kõkal̦l̦eiki

• Rõjañe ñan kõppojakl̦o̦k im̦aan. Ãlikin am̦ jino katak ippãn, ba ñane bwe an kõpooje katak eo ej m̦õttan karõk eo ñan katak Baibõl̦ ippãn, im kõmel̦el̦eiki kõn tokjãn ko enaaj loi jãn an kõm̦m̦ane men in. Kwal̦o̦k ta ko emaroñ kõm̦m̦ani bwe en wõr an iien ñan kõpooje katak eo. Jet rukwal̦o̦k rej kõtl̦o̦k an rũkkatak eo anõke uwaak ko rar kõkal̦l̦eiki ilo iien aer katak ñan jipañe rũkkatak eo lo tokjãn an kõm̦m̦ane men in. Nõbare ñe ej kõpooje katak eo

• Kwal̦o̦k kilen an kõpooje katak eo. Ilo jinointata aer katak, jet rukwal̦o̦k rar kõjerbal aolepen iien eo ñan kwal̦o̦k kilen an rũkkatak eo kõpooje im kõkal̦l̦eik uwaak ko ilo juon katak