UNIN AN AORÕK KÕL IN: Elõñ ro repilo epen aer kõnnaan ippãn ro rejaje kajjier. Bõtab, jej aikuj pukot wãween ko rejejjet ñan ad maroñ kwal̦o̦k naan ñan er. Jeova ej kwal̦o̦k an yokwe im l̦õmn̦ak kake ro repilo. (Lv 19:14, UBS) Jemaroñ anõke joñak in an ilo ad bõk kun̦aad im jipañ ro repilo ñan katak kõn Jeova.

KILEN AM̦ KÕM̦M̦ANE:

• “Pukot” ro repilo. (Mt 10:11) Ewõr ke en kwõjel̦ã kajjien me ewõr juon eo epilo ilo baam̦le eo an? Ilo teretore eo am̦, ewõr ke jikuul̦ ko, m̦õj jokwe ko an ri-nañinmej, ak jikin ko me renaaj kõn̦aan ebbõk bok ko me kar kõm̦m̦ani ñan ro repilo?

• Kwal̦o̦k am̦ itoklimo. Am̦ lukkuun kõn̦aan m̦õttãik er im am̦ lukkuun itoklimo kõn er enaaj jipañ armej eo epilo ñan jab mijak in kepaake eok. Kajjioñ jino bwebwenato kõn juon men me enaaj itoklimo kake

• Jipañ er ñan Jel̦ã kõn Jeova. Jipañ er kõn men ko rej aikuji ñan jel̦ã kajjien Jeova. Ñan jipañ ro me repilo ak ejjab lukkuun em̦m̦an aer lol̦o̦kjen̦, doulul in em̦õj an kõm̦m̦ani jet kein jipañ ko reoktak jãn doon. Kajjitõk ippãn kajjojo iaaer kõn wãween aer kõn̦aan katak. Em̦m̦aan eo me ej loloodjake jerbalin kwal̦o̦k naan ej aikuj kwal̦o̦k ñan em̦m̦aan eo me ej lale jikin bok eo bwe ej aikuj kanne peba ñan jilkintok kein jipañ ekkar ñan ta eo ejejjet ñan eo epilo