MOURIN KŨRJIN
Wõn ro Inaaj Kũrtok Er?
Kajjojo iiõ jej lukkuun kate kõj ñan kũrtok armej ro ilo teretore ko ad ñan kobatok ippãd ñan kõm̦m̦ane iien Kwõjkwõj eo. Enañin aolepeer jejjab jel̦ã kajjier. Jej aikuj bar kũrtok ro jejel̦ã kajjier. Armej ro me rar ebbõk aer peba in kũr jãn ro rejel̦ã kajjier ekkã aer kijoñ kõn̦aan itok ñan iien in. (yb08-E 11 pãr. 3; 14 pãr. 1) Wõn ro kwõmaroñ kũrtok er?
-
Ro nukũd
-
Ri-jerbal ro ak ri-jikuul̦ ro m̦õttad
-
Ro ri-turid
-
Ro jej jepl̦aak ippãer im kar rũkkatak ro ad m̦okta im ro jej katak ippãer kiiõ
Em̦m̦aan ro rej lale eklejia renaaj kũrtok ro me eto aer jab kobatok. Ta el̦aññe eo m̦õttam̦ ejjab jokwe ilo bukwõn eo am̦? Kwõmaroñ lale awa eo im jikin eo naaj kõm̦m̦ane Kwõjkwõj eo ilo ijo ej jokwe ie im jipede ijo ej ba WÕN KÕM me ej pãd itulõñ ilo weepjait eo ad ilo jw.org, innem etal ñan ijo ej ba “Kwõjkwõj in Keememej Raanin Mej eo an Jesus.” Ilo am̦ pojak ñan kõm̦m̦ane Kwõjkwõj eo ilo iiõ in, l̦õmn̦ak kõn wõn ro kwõmaroñ kũrtok er, innem kũrtok er.