Ewõr ippãd emãn pijain alwõj ko ñan katak Baibõl̦ bwe jen kõjerbali ilo kwal̦o̦k naan. Ewi wãween ad kõjerbal pijain alwõj kein kajjojo?

• Etke Kwõj Aikuj Katak Baibõl̦?​—Pija eo Eaetok kar kõm̦m̦ane ñan kãitoklimoik armej eo kõn Baibõl̦ eo jekdo̦o̦n ta tõmak im kabuñ eo an. Ej rõjañ ri-alwõj ro ñan pukot uwaakin kajjitõk ko me ekkã an armej kajjitõk kaki im ej letok juon waanjoñak kõn mel̦el̦e ko ralikkar im jemaroñ errã kaki. Ej kõmel̦el̦e kõn wãween ñan kajjitõk bwe juon en itok im katak Baibõl̦ ippãd.

• Etke Kwõj Aikuj Katak Baibõl̦? (pija eo ekadu) ej ãinl̦o̦kwõt pija eo eaetok bõtab jidikin wõt. Emaroñ em̦m̦anl̦o̦k kõjerbale ilo jikin ko me armej ro rej ekkaiuriur.

• Ta ko Rej Wal̦o̦k Ñe Kõmij Katak Baibõl̦ Ippãn Armej? kar kõm̦m̦ane ñan kãitoklimoik armej kõn wãween ad katak ippãn armej ilo ejjel̦o̦k on̦ããn im ñan uwaaki jet iaan kajjitõk ko kõn wãween ad katak ippãn armej, im ekitibuj wãween kajjitõk bwe juon en iwõj im katak Baibõl̦ ippam̦.

• Karwaineneik Eok ñan Iien Katak Baibõl̦ eo Am̦ kar kõm̦m̦ane ñan rũkkatak Baibõl̦ ro. Meñe pija in ej wal̦o̦k ilo peij ruo ilo bok eo M̦õn̦õn̦õ kõn Mour ñan Indeeo! jemaroñ bar kõjerbale ñe jej kõjerbal brochure eo M̦õn̦õn̦õ kõn Mour ñan Indeeo! Pija in ej kwal̦o̦k kõn kobban bok eo im ej kwal̦o̦k ta eo rũkkatak eo emaroñ kõtmãne kake ilo iien katak ko.

Meñe kar kõm̦m̦ani pija kein ñan kajjojo un ko, ak jemaroñ kwal̦o̦k jabdewõt iaaer ak jilkinl̦o̦k ñan armej ro el̦aññe ekkar. Kar rõjañ rũkwal̦o̦k ro bwe ren jel̦ã kõn pija kein im jel̦ã kilen kõjerbali ilo kwal̦o̦k naan.