Naanin Anij ekajoor! (Hi 4:12) Joñan an kajoor, emaroñ tõpar bũruon armej ro me rejjab jel̦ã kõn Anij. (1Te 1:9; 2:13) Jej lo lañlõñ el̦ap ñe juon ej kwal̦o̦k an lukkuun kam̦m̦oolol kõn juon men em̦ool jãn Baibõl̦ eo me jaar kwal̦o̦k ñane.

ALWÕJE PIJA EO ETAN EXPERIENCE THE JOY OF DISCIPLE-MAKING​—IMPROVE YOUR SKILLS—​UNLEASHING THE POWER OF GOD’S WORD, IM UWAAKI KAJJITÕK KEIN ITULAL̦:

• Ewi wãween an kar Neeta kwal̦o̦k kajoorin Naanin Anij ilo an kar jipañ Jade ñan lo bwe em̦m̦an ñe jej kappok jipañ ilo Naanin Anij?

• Ewi wãween an kar Neeta kwal̦o̦k kajoorin Naanin Anij ilo an kõm̦m̦an bwe armej eo en riiti eoon eo ilo ainikien el̦ap im ilo an kõm̦m̦an bwe en alikkar boin eo ilo eoon eo?

• Ta eo ear kaalikkar bwe eoon eo ear tõpar bũruon Jade, im kwõl̦ak lale ewi wãween an kar men in jelõt Neeta?