Men eo me ear wal̦o̦k ñan ri-Israel ro ilo ãne pikin wõt juon in Moab ej juon waanjoñak in kakkõl ñan Kũrjin ro. (1Ko 10:6, 8, 11) Ri-Israel ro me rar jino kobal̦o̦k ippãn kõrã in Moab ro me rar mourin l̦õñ im kabuñ ñan ekjab, rar po ilo kõm̦m̦an ko rekajjõjõ. Men in ear bõktok jorrããn ko rel̦l̦ap. (Bõn 25:9) Jej mour ibwiljin ro jej jerbal ippãer, ro jej jikuul̦ ippãer, ro ri-turid, ro nukũd, im ro jet me jejel̦ã kajjier me rejjab kabuñ ñan Jeova. Ta eo jemaroñ katak jãn bwebwenato in ilo Baibõl̦ kõn kauwõtata eo ñe jej epaake kain armej rot rein me rejjab kabuñ ñan Jeova?

ALWÕJE PIJA EO ETAN WARNING EXAMPLES FOR OUR DAY​—EXCERPT, INNEM UWAAKI KAJJITÕK KEIN ITULAL̦:

• Ta l̦õmn̦ak ko rebõd Zimrai im ro jet rar kwal̦o̦ki ñan Jemin?

• Ewi wãween an kar Pinehas jipañ Jemin bwe en jim̦we wãween an watõki men ko rej wal̦o̦k?

• Ta oktak eo ikõtaan am̦ kwal̦o̦k jouj ñan juon eo ejjab ri-tõmak im am̦ juon m̦õttan?

• Etke jej aikuj lukkuun kõjparok ñe jej kããlõt ro m̦õttad me jepaake er meñe ilo eklejia eo?

• Etke jej aikuj in kõjparok jãn kurub in bwebwenato ko me rej kõm̦m̦ani ilo online me ewõr armej ro ie me jejjab lukkuun jel̦ã kajjier?