Kwõjkwõjin Kijoone eo ãliktata me Jesus ear pãd ie enaaj kar juon iien el̦ap an aorõk. Kõn an kar lukkuun epaak iien an mej, ear pepe ñan m̦õñã ilo Kwõjkwõjin Kijoone eo ippãn rijjilõk ro an, im kwal̦o̦k juon men ekããl ñan aer naaj kõm̦m̦ane kajjojo iiõ, Kõjota eo an Irooj. Innem ear jilkinl̦o̦k Piter im Jon ñan kõpooj ruum̦ eo. (Lk 22:7-13; lale pija eo ilo kilin bok in.) Men in ej kakeememej kõj kõn ad aikuj kõppojak ñan iien Kwõjkwõjin Keememej eo ilo M̦aaj 27 raan. Emaroñ dedel̦o̦k an eklejia ko kõm̦m̦an laajrak ko ikijjeen ri-kõnono eo, wain im bũreet ko, im men ko ãierl̦o̦kwõt. Bõtab ta ko kõj kajjojo jemaroñ kõm̦m̦ani ñan ad pojak ñan iien Kwõjkwõjin Keememej eo?

Kõpooj bũruom̦. Riit im kõl̦mãnl̦o̦kjen̦ kõn eoon ko an iien Kwõjkwõjin Keememej eo. Kwõmaroñ loe jikejuul̦ eo an ilo bok eo Liñõri Baibõl̦ Raan Otemjej. Ilo bok eo etan Kein Jipañ ñan Katak Naanin Anij, m̦õttan 16, ej kwal̦o̦k juon jikejuul̦ me el̦apl̦o̦k an tipdiki mel̦el̦e ko. (Bar lale Jerbal eo Ad im Wãween Ad Mour Kein Katak eo an Eprõl̦ 2020.) Baam̦le ko remaroñ pukot mel̦el̦e ko kõn aorõkin katok in mour eo ñan aer katak kaki ilo iien kabuñ an baam̦le ko aer ilo aer lale Watch Tower Publications Index ko ak Bok in Jipañ Ri Kõnnaan ro an Jeova ñan Kappok Mel̦el̦e.

Kũrtok ro jet ñan kobatok. Kal̦apl̦o̦k ijo kun̦aam̦ ilo iien leto letak peba in kũr eo. L̦õmn̦ak kõn wõn ro kwõmaroñ kũrtok er, ãinwõt ro kwõj jepl̦aak ippãer, kar rũkkatak Baibõl̦ ro am̦ m̦okta, ro kwõjel̦ã kajjier, im ro nukum̦. Em̦m̦aan ro me rej lale eklejia rej aikuj lukkuun lale bwe ren kũrtok ro im rej inactive. Keememej bwe ñe ewõr en̦ ejjab jokwe ilo jikin eo kwõj pãd ie, kwõmaroñ lo awa eo kab jikin eo ñan iien Kwõjkwõj eo ilo ijo armej eo ej jokwe ie ilo am̦ jipede ijo ej ba WÕN KÕM? ilo ijo itulõñ ilo home page eo ilo jw.org/mh im jipede ijo ej ba “Kwõjkwõjin Keememej Eo.”

Ta ko jet jemaroñ kõm̦m̦ani bwe jen maroñ pojak?