Devid ear anjo̦ jãn Golaiat kõnke ear lõke im atartar ioon Jeova. (1Sa 17:45) Jeova ekõn̦aan jipañ aolepen ri-karejar ro an ikijjeen kajoor eo an. (2Kr 16:9) Ewi wãween ad maroñ atartar ioon jipañ eo jãn Jeova ijello̦kun ad lõke im atartar ioon jel̦ã im maroñ ko ad make? Lale wãween kein jilu:

• Emmakijkij ad jar. Jen jab jar wõt im kajjitõk jeorl̦o̦k bõd ãlikin ad kõm̦m̦ane juon bõd, ak jen bareinwõt jar im kajjitõk kajoor ñe jej iioone juon menin kapo. (Mt 6:12, 13) Jen jab jar wõt bwe Jeova en kõjeraam̦m̦an pepe ko ad me ededel̦o̦k ad kõm̦m̦ani ak jen bareinwõt jar im kajjitõk kõn tõl im mãlõtlõt eo an m̦okta jãn ad kõm̦m̦ani pepe ko.​—Jem 1:5

• En wõr juon ad laajrakin riit Baibõl̦ im katak ippãd make. Riiti Baibõl̦ eo kajjojo raan. (Sam 1:2) Kõl̦mãnl̦o̦kjen̦ kõn waanjoñak ko ilo Baibõl̦, im jerbali katak ko em̦õj ad katak kaki. (Jem 1:23-25) Kõppojakl̦o̦k im̦aan ñan jerbalin kwal̦o̦k naan ijello̦kun ad atartar ioon jel̦ã im imminene ko ad. Jemaroñ bõk el̦ap tokjãn jãn iien kweilo̦k ko an eklejia ko ad ikijjeen ad etali im kõpooji katak ko l̦o̦k im̦aan

• Jerbal ippãn doulul eo an Jeova. Bũki mel̦el̦e ko rekããltata jãn doulul eo, im m̦õkaj im l̦oori. (Bõn 9:17) Pokake em̦m̦aan ro rej lale eklejia ñe rej kajim̦weik kõj im letok naanin tõl ko.​—Hi 13:17

ALWÕJE PIJA EO ETAN NO REASON TO FEAR PERSECUTION, INNEM UWAAKE KAJJITÕK KEIN ITULAL̦:

• Ta ko ro jeid im jatid rar mijaki?

• Ta eo ear jipañ er ñan kijenmej meñe ear wõr men ko rar mijaki?