Ro wõt me em̦m̦an im erreo kõm̦m̦an ko aer remaroñ m̦õn̦õn̦õ kõn juon jem̦jerã epaak ippãn Jeova. (1Pi 1:14-16) Ñe rũkkatak Baibõl̦ ro rej bõjrak jãn m̦anit ko renana, remaroñ bõk tokjãn ko rem̦m̦an ilo baam̦le eo aer, ãjmour ko aer, im wãween aer kõjerbal jããn ko aer.

Lukkuun kõmel̦el̦eikl̦o̦k kien ko an Jeova kõn mour erreo, unin an kõmmane, im tokjãn ko ñe jej l̦oori. Kate eok ñan jipañ rũkkatak ro am̦ ñan ukõt wãween aer l̦õmn̦ak, innem renaaj maroñ kõm̦m̦ane men eo Jeova ekõn̦aan. (Ep 4:22-24) Kwal̦o̦k ñan er bwe kõn jipañ eo an Jeova remaroñ lo tõprak jãn juon imminene ak m̦anit me epen aer jol̦o̦ke. (Pil 4:13) Katakin er ñan akwel̦ap ñan Jeova ñe rej iioon kõn̦aan eo ñan kõm̦m̦an jerawiwi. Jipañ er ñan kile im kõjparok jãn wãween ko me enaaj kõm̦m̦an bwe en pen aer kõm̦m̦ane men eo ejim̦we. Rõjañ er ñan jol̦o̦k manit ko rettoon im ñan kõm̦m̦ani men ko rem̦m̦an. Jej lo lañlõñ ñe jej loe an rũkkatak Baibõl̦ ro ad lo tõprak ilo aer kõm̦m̦an oktak kõn wõt jipañ eo an Jeova.

ALWÕJE PIJA EO ETAN JIPAÑ RŨKKATAK BAIBÕL̦ RO AM̦ ÑAN ANJO̦ JÃN M̦ANIT KO RETTOON, INNEM UWAAKE KAJJITÕK KEIN ITULAL̦:

• Ewi wãween an em̦m̦aan ro rej lale eklejia im Neeta kwal̦o̦k aer lõke Jade?

• Ewi wãween an kar Neeta lukkuun bar jipañ Jade?

• Ewi wãween an kar Jade pukot jipañ jãn Jeova?