Eprõl̦ 1-7
SAM 23-25
Al 4 im Jar | Naanin Kõppel̦l̦o̦k (1 min.)
1. “Jeova Aõ Jabõt”
(10 min.)
Jeova ej tõl kõj (Sam 23:1-3; w11 5/1 31 pãr. 3)
Jeova ej kõjparok kõj (Sam 23:4; w11 5/1 31 pãr. 4)
Jeova ej naajdik kõj (Sam 23:5; w11 5/1 31 pãr. 5)
Jeova ej lale im kõjparok ri-karejar ro an ãinwõt an juon jabõt me el̦ap an yokwe, lale im kea kõn jiip ko an.
KAJJITÕK IPPAM̦ MAKE, ‘Ewi wãween an kar Jeova kwal̦o̦k bwe ej kea kõn ña?’
2. Kũbwij Naanin Anij
(10 min.)
Sam 23:3—Ta “ial̦ ko rejim̦we,” im ta eo enaaj jipañ kõj bwe jen jab jeor jãn ial̦ kein? (w11 2/15 24 pãr. 1-3)
Boin ta ko kwaar kũbwiji im loi jãn jebta ko an wiik in me kokõn̦aan kwal̦o̦k kaki?
3. Riit Baibõl̦
(4 min.) Sam 23:1–24:10 (th katak 5)
4. Jinoe Am̦ Bwebwenato Ippãn Juon Armej
(3 min.) KWAL̦O̦K NAAN ILO IIEN EM̦M̦ANTOK. Kwal̦o̦k juon eoon ekõketak jãn Baibõl̦ ippãn juon armej me ej kwal̦o̦k an inepata kõn an lal̦ in jorrããnl̦o̦k. (lmd-E katak 2 boin 5)
5. Bar Jepl̦aak
(4 min.) EM̦ ÑAN EM̦. Kwal̦o̦k kilen ad katak Baibõl̦ ippãn juon armej me ear bõk brochure eo M̦õn̦õn̦õ kõn Mour ñan Indeeo! (lmd-E katak 9 boin 3)
6. Kõm̦m̦an Ri-Kal̦oor
(5 min.) lff katak 14 boin 4 (lmd-E katak 11 boin 3)
Al 54
7. Jej Kõjekdo̦o̦n Ainikien Ruwamãejet
(15 min.) Bwebwenato ippãn ri-kweilo̦k ro im kwal̦o̦k kajjitõk.
Jiip ko rejel̦ã ainikien jabõt eo aer im rej l̦oore e. Ijoke, jiip kein renaaj ko jãn juon ruwamãejet kõnke rejjab imminene kõn ainikien ruwamãejet ro. (Jon 10:5) Ilo ejja wãween in wõt, jej roñjake ainikien Jabõt ro ad me el̦ap ad lõke er im el̦ap yokwe ippãer, Jeova im Jesus. (Sam 23:1; Jon 10:11) Bõtab, jej kõjekdo̦o̦n ainikien ruwamãejet ro me rej kajjioñ kam̦õjn̦o̦ikl̦o̦k tõmak eo ad ikijjeen “naan ko reriab.”—2Pi 2:1, 3.
Jenesis jebta jilu ej kwal̦o̦k kõn iien eo jinointata kar wal̦o̦k ainikien ruwamãejet eo ijin ioon lal̦. Setan ear kõnnaanl̦o̦k ñan Iv ilo an kõjerbale juon jedpãnit bwe Iv en jab lukkuun jel̦ã wõn eo ear kõnnaan ñane. Setan ear kajjioñ kõm̦m̦an ñan Iv ãinwõt ñe ej juon m̦õttan, ak ilo m̦ool ear riab im ukote naan ko an Jeova. Ekabũrom̦õjm̦õj bwe Iv ear roñjake Setan, im men in ear kõm̦m̦an bwe e im baam̦le eo an ren lukkuun eñtaan.
Rainin Setan ej kate e ñan kõm̦m̦an ad pere Jeova im doulul eo an ikijjeen an kajeeded mel̦el̦e ko me rej kõnanaik Ri-Kõnnaan ro an Jeova, mel̦el̦e ko rejjab lukkuun m̦ool, im mel̦el̦e ko reriab. Ñe jej roñ ainikien ruwamãejet eo, jej aikuj ko jãn e! Meñe jemaroñ roñjake jidikin wõt naanin riab kein rej ba kõn ad baj kõn̦aan jel̦ã wõt, ak men in elukkuun kauwõtata ñan kõj. Jete naan ko Setan ear aikuj kõjerbali ñan m̦on̦e Iv ke ear bwebwenato ippãn ium̦win jidik iien? (Jen 3:1, 4, 5) Bõtab, ta el̦aññe juon armej jejel̦ã kajjien—juon eo ej yokwe kõj im ekõn̦aan jipañ kõj—ekõn̦aan kwal̦o̦k ñan kõj mel̦el̦e ko me rej kõnanaik doulul eo an Jeova?
Kõjo̦e PIJAIN ALWÕJ eo Reject “the Voice of Strangers.” Innem kajjitõk ippãn ri-kweilo̦k ro kajjitõk in:
Ta eo kwõj katak jãn wãween an kar Jade kõm̦adm̦õde apañ in ke kõrã eo jinen, me ejjab juon rũttõmak, ear kwal̦o̦k mel̦el̦e ko rej kõnanaik doulul eo an Jeova ñane?
8. Katak Baibõl̦ an Eklejia
(30 min.) bt katak 8 pãr. 1-4, bo̦o̦k ko ilo peij 69-70
