Eprõl̦ 29–Mãe 5
SAM 34-35
Al 10 im Jar | Naanin Kõppel̦l̦o̦k (1 min.)
1. “Wũjtak Jeova Iien Otemjej”
(10 min.)
Devid ear nõbar Jeova meñe ilo iien ko ear iioon wãween ko reppen (Sam 34:1; br3 5 pãr. 11)
Devid ear kõmjãje kõn Jeova, im jab kõn e make (Sam 34:2-4; br3 5 pãr. 13)
Naanin nõbar ko an Devid rar kõkajoor ro m̦õttan (Sam 34:5; br3 6 pãr. 15)
Ãlikin an kar Devid etal jãn Abimelek, 400 em̦m̦aan ro me rar jab m̦õn̦õn̦õ ium̦win tõl eo an Kiiñ Saul, rar kobal̦o̦k ippãn Devid ilo ãne jem̦aden. (1Sa 22:1, 2) Devid emaroñ kar l̦õmn̦ak kõn em̦m̦aan rein ke ear kine sam in.—Sam 34, lale kõmel̦el̦e eo itulõñin jebta in.
KAJJITÕK IPPAM̦ MAKE, ‘Ewi wãween aõ maroñ nõbar Jeova ñe inaaj kõnono ippãn juon armej ilo kweilo̦k eo tok juon an eklejia?’
2. Kũbwij Naanin Anij
(10 min.)
-
Sam 35:19—Ta mel̦el̦ein an kar Devid kajjitõk ippãn Jeova bwe en jab kõtl̦o̦k an ro rej kõjdate “romrom kõn mej”? (w06 5/1 31 pãr. 2)
-
Boin ta ko kwaar kũbwiji im loi jãn jebta ko an wiik in me kokõn̦aan kwal̦o̦k kaki?
3. Riit Baibõl̦
(4 min.) Sam 34:1-22 (th katak 5)
4. Jinoe Am̦ Bwebwenato Ippãn Juon Armej
(2 min.) KWAL̦O̦K NAAN ILO IIEN EM̦M̦ANTOK. Ejem̦l̦o̦k am̦ bwebwenato ippãn armej eo m̦okta jãn am̦ maroñ kwal̦o̦k naan ñane. (lmd-E katak 1 boin 4)
5. Bar Jepl̦aak
(4 min.) KWAL̦O̦K NAAN ILO IIEN EM̦M̦ANTOK. (lmd-E katak 2 boin 4)
6. Kõmel̦el̦eik Tõmak eo Am̦
(5 min.) Waanjoñak. ijwfq 59—Unin Tõl: Ewi Wãween an Ri-Kõnnaan ro an Jeova Jel̦ã El̦aññe Jeova Ej Buñbũruon kõn Juon Holiday? (th katak 17)
Al 59
7. Jilu Wãween ko ñan Nõbar Jeova ilo Iien Kweilo̦k Ko
(15 min.) Bwebwenato ippãn ri-kweilo̦k ro im kwal̦o̦k kajjitõk.
Kweilo̦k ko an eklejia rej letok iien ko rem̦m̦an ñan ad maroñ nõbar Jeova. Erkein jilu wãween ko.
Bwebwenato: Kõnono kõn joñan an Jeova em̦m̦an ñe kwõj bwebwenato ippãn ro jet. (Sam 145:1, 7) Kwaar ke roñ ak riiti juon boin me kwaar bõk tokjãn jãne? Ear ke wõr juon wãween em̦m̦an kwaar iioone ilo kar jerbalin kwal̦o̦k naan? Kwaar ke bõk kõketak jãn juon jeim̦ ak jatũm̦ ikijjeen naan ak kõm̦m̦an ko an? Kwaar ke lale juon menin kõm̦anm̦an me ear kabwilõñ eok? Eokwe aolep men kein rej menin letok jãn Jeova. (Jem 1:17) M̦õkajl̦o̦k jejjo minit ñan kweilo̦k ko bwe en wõr am̦ iien ñan bwebwenato ippãn ro jet.
Uwaak: Lukkuun kate eok ñan uwaak ilo kajjojo iien kweilo̦k ko. (Sam 26:12) Kwõmaroñ kajju uwaake kajjitõk eo ak kwõmaroñ uwaak kõn bar juon boin, juon eoon, juon pija, ak kõn wãween ad maroñ jerbale juon boin. Kõnke ro jet remaroñ bar kajutak peier ñe kwõj kajutak peim̦, kwõmaroñ kõpooj jejjo uwaak ko. El̦aññe jej kõm̦m̦an bwe uwaak ko ad ren 30 jekõn ak dikl̦o̦k, men in enaaj kõm̦m̦an bwe en maroñ lõñl̦o̦k ro rej ‘ajel̦o̦k aer menin katok in nõbar ñan Anij.’—Hi 13:15.
Al: Kijejeto ilo am̦ al kõn al in kweilo̦k ko. (Sam 147:1) Remaroñ jab kũr eok bwe kwõn uwaak ilo aolep kweilo̦k ko, el̦aptata ilo juon eklejia ekilep, ak aolep iien kwõmaroñ bõk kun̦aam̦ ilo am̦ al kõn al in kweilo̦k ko. Meñe kwõj l̦õmn̦ak bwe ejjab kwe ri-al, ak el̦aññe kwõj kate eok joñan wõt am̦ maroñ, kwõmaroñ lukkuun tõmak bwe kwõj kam̦õn̦õn̦õik Jeova ilo am̦ al! (2Ko 8:12) Kwõmaroñ kõppojak ñan al ikijjeen am̦ kõmmãlmeli al ko ilo m̦weo im̦õm̦.
Kõjo̦e PIJAIN ALWÕJ eo etan Our History in Motion—The Gift of Song, Part 1. Innem kajjitõk ippãn ri-kweilo̦k ro kajjitõk in:
Ilo kar tõre ko jinoin ilo doulul in ad, ewi wãween ad kar kwal̦o̦k bwe ad nõbar Jeova ilo al ej juon men eaorõk?
