Eprõl̦ 8-14
SAM 26-28
Al 34 im Jar | Naanin Kõppel̦l̦o̦k (1 min.)
1. Men ko Devid Ear Kõm̦m̦ani ñan Dãpij Wõt an Tiljek ñan Jeova
(10 min.)
Devid ear kajjitõk ippãn Jeova ñan jipañe kakõm̦anm̦anl̦o̦k wãween ko ippãn (Sam 26:1, 2; w05 4/1 22 pãr. 8-9)
Devid ear kõjparok e make jãn kõm̦m̦ao ko renana (Sam 26:4, 5; w05 4/1 23 pãr. 12-13)
Devid ear lukkuun yokwe Jeova im kõn̦aan kabuñ ñan E (Sam 26:8; w05 4/1 24 pãr. 17-18)
Meñe Devid ear kõm̦m̦an bõd, ak ear etetal kõn juon ‘bõro ejim̦we im ewãnõk.’ (1Kñ 9:4) Elukkuun alikkar an kar Devid tiljek ñan Jeova im yokwe E kõn aolepen bũruon. Kõn men in, aolep ro jet rar maroñ loe bwe ear tiljek ñan Jeova.
2. Kũbwij Naanin Anij
(10 min.)
-
Sam 27:10—Ewi wãween an eoon in maroñ kaenõm̦m̦an kõj ñe jej eñjake bwe ro jepaake er rar ilo̦k jãn kõj? (w06 10/1 20 pãr. 15)
-
Boin ta ko kwaar kũbwiji im loi jãn jebta ko an wiik in me kokõn̦aan kwal̦o̦k kaki?
3. Riit Baibõl̦
(4 min.) Sam 27:1-14 (th katak 2)
4. Jinoe Am̦ Bwebwenato Ippãn Juon Armej
(2 min.) EM̦ ÑAN EM̦. Lel̦o̦k juon tũrããk jãn Nien Kein Jerbal eo Ad ñan Katakin. (th katak 3)
5. Bar Jepl̦aak
(4 min.) EM̦ ÑAN EM̦. Bwebwenato kake kajjitõk eo itulikin tũrããk eo me kwaar likũti ippãn armej eo ilo tũreep eo l̦o̦k. Kwal̦o̦k jw.org im men ko emaroñ loi ilo weepjait in. (lmd-E katak 9 boin 3)
6. Katak
(5 min.) lmd-E kõmel̦el̦e ko jet A boin 3—Unin Tõl: Naaj Bar Karreoik Lal̦ In. (th katak 13)
Al 128
7. Jo̦dikdik ro me Rej Dãpij Wõt Aer Mour Erreo
(15 min.) Bwebwenato ippãn ri-kweilo̦k ro im kwal̦o̦k kajjitõk.
Jo̦dikdik ro me rej Kũrjin rej aikuj lukkuun kate er ñan dãpij wõt juon mour erreo. Rejjab weeppãn im ñe rej jo̦dikdik emaroñ kajoor kõn̦aan eo ñan babu ippãn juon armej, im men in emaroñ kõm̦m̦an bwe en lukkuun pen ñan kõm̦m̦ani men ko rejim̦we. (Rom 7:21; 1Ko 7:36) Bareinwõt, aolep iien rej aikuj tarin̦aeik ijjiped ko jãn ro jet ñan babu ippãn juon armej, ak bõk kun̦aaer ilo m̦anit ko an em̦m̦aan ñan em̦m̦aan ak kõrã ñan kõrã. (Ep 2:2) Jelukkuun m̦õn̦õn̦õ kõn ro rej wõnm̦aanl̦o̦k wõt im dãpij aer tiljek ñan Jeova.
Kõjo̦e PIJAIN ALWÕJ eo etan My Teen Life—How Can I Fight the Pressure to Have Premarital Sex? Innem kajjitõk ippãn ri-kweilo̦k ro kajjitõk kein:
-
Ta ijjiped ko Cory im Kamryn rar jelm̦aiki?
-
Ta eo ear jipañ er ñan dãpij wõt aer tiljek?
-
Ta naanin kakapilõk ko ilo Baibõl̦ remaroñ jipañ eok ñe kwõj iioon wãween kein?
8. Katak Baibõl̦ an Eklejia
(30 min.) bt katak 8 pãr. 5-12
