Eprõl̦ 28–Mãe 4
JABÕN KÕNNAAN 11
Al 90 im Jar | Naanin Kõppel̦l̦o̦k (1 min.)
1. Kwõn Jab Ba!
(10 min.)
Jab ba juon men me emaroñ ko̦kkure ak kõmetak ‘ri-turum̦’ (JK 11:9; w02 5/15 26 pãr. 4)
Jab ba juon men me ej kõm̦m̦an jepel (JK 11:11; w02 5/15 27 pãr. 2-3)
Jab kõnnaan kõn men ko me ejjab tõllo̦kũn an ro jet jel̦ã kaki (JK 11:12, 13; w02 5/15 27 pãr. 5)
ÑAN KÕL̦MÃNL̦O̦KJEN̦: Ewi wãween an naan ko an Jesus ilo Luk 6:45 jipañ kõj ñan kõjparok jãn ad ba naan ko rekõmmetak?
2. Kũbwij Naanin Anij
(10 min.)
-
JK 11:17, UBS—Ewi wãween ad bõk tokjãn jãn ad kwal̦o̦k jouj? (g20.1 11, bo̦o̦k eo)
-
Boin ta ko kwaar kũbwiji im loi jãn jebta ko an wiik in me kokõn̦aan kwal̦o̦k kaki?
3. Riit Baibõl̦
(4 min.) JK 11:1-20 (th katak 5)
4. Jino Bwebwenato Ippãn Armej
(4 min.) KWAL̦O̦K NAAN ILO IIEN EM̦M̦ANTOK. Pukot juon wãween ñan kwal̦o̦k ñan armej eo juon men kwaar katak jãn juon iaan kweilo̦k ko ad. (lmd katak 2 boin 4)
5. Bar Jepl̦aak
(4 min.) KWAL̦O̦K NAAN ILO IIEN EM̦M̦ANTOK. Kwal̦o̦k juon pijain alwõj jãn Nien Kein Jerbal eo Ad ñan Katakin. (lmd katak 8 boin 3)
6. Kõm̦m̦an Ri-Kal̦oor
(4 min.) KWAL̦O̦K NAAN ILO̦BWILEJ. Kajjitõk ippãn armej eo ñe ekõn̦aan katak Baibõl̦ im kwal̦o̦k kilen ad kõm̦m̦ane men in. (lmd katak 10 boin 3)
Al 157
7. Jab Kõtl̦o̦k bwe Loom̦ En Ko̦kkure Aenõm̦m̦an
(15 min.) Bwebwenato ippãn ri-kweilo̦k ro im kwal̦o̦k kajjitõk.
Kõnke jejjab weeppãn, jenaaj likjab ilo wãween ad kõnono. (Jem 3:8) Meñe ãindein, ak el̦aññe jej l̦õmn̦ak kõn apañ ko remaroñ wal̦o̦k kõn ad jab kõjparok wãween ad kõnnaan, men in emaroñ jipañ kõj ñan jab ba men ko me jemaroñ ajl̦o̦k kaki tokãlik. Eñin jet iaan men ko jemaroñ ba ak kõm̦m̦ani me remaroñ ko̦kkure aenõm̦m̦an ilo eklejia eo:
-
Kõmjãje ilo jekkar. Men in ej wal̦o̦k ñe juon armej ej nõbar emake. Men in emaroñ kõm̦m̦an bwe ro jet ren jiãe ippãd im kõm̦m̦ane aer ebbanban.—JK 27:2
-
Naan ko rejjab m̦ool. Kain kõnono rot in ejjab kitibuj wõt ñe juon ej riab ak ej bar kitibuj naan ko juon ej kwal̦o̦ki ñan m̦on̦e ro jet. Meñe juon riab jidikdik ak emaroñ ko̦kkure an ro jet lõke kõj im ko̦kkure ãt eo etad.—Ekl 10:1
-
Ruruwe. Ñe juon armej ej ruruwe ej kõnono kõn men ko ejjab menin kõnnaan kake kõn ro jet im mour ko aer. Ej kwal̦o̦k kõn men ko rejjab lukkuun m̦ool ak emaroñ kwal̦o̦k men ko me ejjab tõllo̦kũn an ro jet jel̦ã kaki. (1Ti 5:13) Men in emaroñ tõll̦o̦k ñan akwããl im emaroñ kõm̦m̦an jepel
-
Naan ko reddo. Kain kõnono rot in ej itok jãn ad jab dãpij ad illu im jej kõmetak juon eo ear kainepataik ak kalluuk kõj kõn naan ko ad. (Ep 4:26) Emaroñ kõm̦m̦an bwe ro jet ren metak.—JK 29:22
Kõjo̦e PIJAIN ALWÕJ eo etan “Put Away” Peace Wreckers—Excerpt. Innem kajjitõk ippãn ri-kweilo̦k ro kajjitõk in:
-
Ta eo kwaar katak kõn joñan an pidodo an naan ko ad maroñ ko̦kkure aenõm̦m̦an eo ilo eklejia eo?
Ñan lale wãween aer kar bar kõjepl̦aak aenõm̦m̦an, alwõje pija eo etan “Seek Peace and Pursue It”.
8. Katak Baibõl̦ an Eklejia
(30 min.) bt katak 25 pãr. 14-21
