KAL̦APL̦O̦K AM̦ JEL̦Ã KWAL̦O̦K NAAN | KAL̦APL̦O̦K AM̦ LAÑLÕÑ ILO JERBALIN KWAL̦O̦K NAAN
Katakin ilo Juon Wãween Ekãitoktoklimo
Kõnono ilo juon wãween ekãitoktoklimo el̦ap an kareel ri-roñjake ro. Emaroñ kõm̦m̦an bwe ro rej roñjake kõj ren kon̦aan kal̦apl̦o̦k aer roñjake. Ej bareinwõt kwal̦o̦k bwe jej kaorõk ennaan eo jej kwal̦o̦ke. Jekdo̦o̦n aelõñ ta ko ad ak kain armej rot kõj, ak jemaroñ kal̦apl̦o̦k ad kõnono ilo juon wãween ekãitoktoklimo. (Rom 12:11) Ewi wãween?
M̦oktata, l̦õmn̦ak kõn aorõkin ennaan eo kwõj kwal̦o̦ke. Ewõr ippam̦ jeraam̦m̦an eo ñan “kwal̦o̦k kõn ennaan eo em̦m̦an kõn men ko rem̦m̦an!” (Rom 10:15) Kein karuo, kõl̦mãnl̦o̦kjen̦ kõn men ko rem̦m̦an rej wal̦o̦k me ennaan eo em̦m̦an emaroñ jipañ ro rej roñjake eok. Relukkuun aikuj roñ ta ko kwõj itõn ba. (Rom 10:13, 14) Ãliktata, kõnono ilo juon wãween ekãitoktoklimo, kwõmaroñ kaalikkar eñjake ko am̦ ilo turin mejam̦ im ilo wãween am kõm̦akũt peim̦.
ALWÕJE PIJA EO ETAN EXPERIENCE THE JOY OF DISCIPLE-MAKING—IMPROVE YOUR SKILLS—TEACHING WITH ENTHUSIASM, INNEM UWAAKI KAJJITÕK KEIN ITULAL̦:
-
Ta eo ear kadikl̦o̦k an Neeta kõnono ilo juon wãween ekãitoktoklimo ilo an katak Baibõl̦ ippãn Jade?
-
Ta eo ear jipañ Neeta bwe en bar kõnono ilo juon wãween ekãitoktoklimo?
-
Etke jej aikuj in l̦õmn̦ak wõt kõn kadkad ko rem̦m̦an an ri-roñjake ro ad?
-
Ewi wãween ad kõnono ilo juon wãween ekãitoktoklimo maroñ jelõt rũkkatak Baibõl̦ ro ad im ro jet?