Kõn ad jab weeppãn, aolep iien epen ad jel̦ã irooj ioon kõn̦aan ko ad. El̦aññe jej kõtl̦o̦k bwe ren irooj iood, emaroñ jako an Jeova m̦õn̦õn̦õ ippãd. Ñan waanjoñak, jet rej kõtl̦o̦k bwe kõn̦aan eo kõn m̦õñã, nuknuk, im m̦õko im̦weer en kõm̦m̦an bwe en dikl̦o̦k aer yokwe Anij. Jet rej katõprak kõn̦aan eo aer ñan l̦õñ im kõjekdo̦o̦n kien ko an Anij. (Rom 1:26, 27) Im jet rej kõtl̦o̦k bwe ro jet ren iuun er ñan kõm̦m̦ani kõn̦aan ko renana kõnke rekõn̦aan bwe armej rein ren m̦õn̦õn̦õ im kobal̦o̦k ippãer.​—Ex 23:2.

Ewi wãween ad maroñ irooj ioon kõn̦aan ko ad? Jej aikuj kate kõj ñan l̦õmn̦ak wõt kõn men ko rej kabuñbũruon Jeova. (Mt 4:4) Bareinwõt, jej aikuj akwel̦ap ñan Jeova bwe en jipañ kõj ñan jel̦ã irooj ioon kõn̦aan ko ad. Etke? Kõnke ejel̦ã ta ko rem̦m̦antata ñan kõj im ejel̦ã katõprak kõn̦aan ko ad rejim̦we.​—Sam 145:16.

ALWÕJE PIJA EO ETAN DON’T LET YOUR LIFE GO UP IN SMOKE, INNEM UWAAKE KAJJITÕK KEIN ITULAL̦:

• Etke jet armej rej kõbaatat?

• Ta eo emaroñ wal̦o̦k ñan kwe ñe kwõj kõbaatat?

• Etke enana kõbaatat?​—2Ko 7:1

• Ewi wãween am̦ maroñ ba jaab ñan jikka im bõjrak jãn imminene eo ñan kõbaatat?