Ñan kabuñbũruon Anij, rũkkatak Baibõl̦ ro rej aikuj jino kaddek juon tõmak ekajoor. (Hi 11:6) Jemaroñ tõpar bũrueer ilo ad kõjerbal bok eo M̦õn̦õn̦õ kõn Mour ñan Indeeo! Bok in ej kwal̦o̦k eoon ko raorõk, kõmel̦el̦e ko ralikkar, kajjitõk ko rejejjet, pijain alwõj ko rekãitoktoklimo, im jiña ko raiboojoj. Ilo ad jipañ rũkkatak ro ñan kaddek kadkad ko kadkadin Kũrjin im kõtaan eo aer ippãn Anij, ej ãinwõt ñe jej kalõk men ko me reban bwil kõn kijeek.​—1Ko 3:12-15.

Jet armej epen aer l̦õmn̦ak bwe remaroñ erom jeran Anij, eo me rejjab maroñ loe. Kõn men in jej aikuj jipañ er ñan kalõk tõmak eo aer kõn Jeova im lõke e.

ALWÕJE PIJA EO ETAN KALÕK TÕMAK ILO JEOVA, ILO AM̦ KÕJERBAL BOK EO “MÕN̦ÕN̦Õ KÕN MOUR ÑAN INDEEO!” INNEM UWAAKE KAJJITÕK KEIN ITULAL̦:

• Ewi wãween ad jel̦ã bwe kõrã eo jeid im jatid ear lukkuun pojakl̦o̦k im̦aan ñan katak eo?

• Ewi wãween an kar kõjerbal kajjitõk ko jet ñan kõm̦m̦an bwe rũkkatak eo en kwal̦o̦k l̦õmn̦ak eo an kõn eoon ilo Aiseia 41:10, 13?

• Ewi wãween an kar pija eo im eoon ko jelõt rũkkatak eo?

Elõñ armej rejjab mel̦el̦e kõn katok in mour eo an Jesus, ak rejjab watõk bwe ej juon menin letok jãn Anij ñan er. (Ga 2:20) Kõn men in, jej aikuj jipañ er ñan kalõk tõmak eo aer kõn katok in mour eo an Jesus.

ALWÕJE PIJA EO ETAN KALÕK TÕMAK ILO JESUS, ILO AM̦ KÕJERBAL BOK EO “MÕN̦ÕN̦Õ KÕN MOUR ÑAN INDEEO!” INNEM UWAAKE KAJJITÕK KEIN ITULAL̦:

• Ewi wãween ad jel̦ã bwe em̦m̦aan eo jeid im jatid ear lukkuun pojakl̦o̦k im̦aan ñan katak eo?

• Ewi wãween an kar kõjerbale ijo me ej ba “Kal̦apl̦o̦k Am̦ Mel̦el̦e” ilo juon wãween ejejjet ñan jipañ rũkkatak eo?

• Etke elukkuun aorõk bwe jen jar ippãn rũkkatak eo im rõjañ e bwe en bar jar?