Ilo jerbalin kwal̦o̦k naan eo an, Jesus ear katakin armej ro kõn men ko rar wal̦o̦k ilo tõre eo an. (Lk 13:1-5) Kwe bareinwõt kwõmaroñ bar kõjerbal men ko rej wal̦o̦k rainin ñan kõm̦m̦an bwe armej ro ren itoklimo kõn ennaan eo an Aelõñ eo. Ãlikin am̦ kõnono kõn an l̦apl̦o̦k on̦ããn mour, an wal̦o̦k juon jorrããn jãn juon l̦añ ak m̦akũtkũt lal̦, poktak im ikũttõltõl ko, kõjerbal uno rekajoor, im men ko ãierl̦o̦k wõt, kwõmaroñ kajjitõk ippãn kajjitõk kein: “Kwõj ke l̦õmn̦ak bwe jenaaj loe an jem̦l̦o̦k . . . ?” ak “Ta l̦õmn̦ak eo am̦, ta eo naaj kõm̦adm̦õd men kein ãinwõt . . . ?” Innem kwal̦o̦k juon eoon jãn Baibõl̦ kõn men eo komiro ej kõnono kake. Ñe armej eo ej kwal̦o̦k an itoklimo, kwal̦o̦k ñane juon pija ak juon iaan bok ko ad jãn Nien Kein Jerbal eo ad ñan Katakin. Kõn ad kate kõj ñan tõpar bũruon armej ro ilo teretore eo ad, jen “kõm̦m̦an men otemjej kõn wõt ennaan eo em̦m̦an.”​—1Ko 9:22, 23.

Ta men ko armej ro ilo teretore eo am̦ rej itoklimo in kõnono kake?