MOURIN KŨRJIN
Kõjparok Eok jãn Ro rej Jum̦ae Katak ko Rem̦ool
Enañin aolep iien, Setan im ro rej pãd ium̦win pein rej kobaik men ko rem̦ool ippãn men ko reriab ñan kam̦õjn̦o̦ikl̦o̦k tõmak eo ad. (2Ko 11:3) Ñan waanjoñak, ri-Assiria ro rar kõjerbal jimattanin mel̦el̦e ko rejjab m̦ool im mel̦el̦e ko reriab ñan kabbweer armej ro an Jeova. (2Kr 32:10-15) Ri-jum̦ae ro rej kõjerbal ejja wãween in wõt rainin. Ewi wãween ad aikuj em̦m̦akũt ñan ekkatak ko an ri-jum̦ae ro? Kwõn watõk ekkatak kein ãinwõt baijin! Jab riiti katak kein, jab uwaaki armej ro me rej kwal̦o̦k katak kein, ak jab ãliji. M̦õkaj im kile bwe kar kõm̦m̦ani mel̦el̦e kein ñan kõm̦m̦an bwe en wõr pere kõn Jeova im doulul eo an—im julo̦ki!—Jud 3, 4.
ALWÕJE JIDIKIN PIJA EO ETAN “KOM̦WIN KANOOJ KATE KOM̦ KÕN TÕMAK”! INNEM UWAAKE KAJJITÕK KEIN ITULAL̦:
-
Etke jej aikuj in ekkõl wõt ñe jej kõjerbal jikin illik mel̦el̦e ko ilo Internet (Internet forums)?
-
Ewi wãween jemaroñ l̦oore naanin tõl eo ilo Rom 16:17?
