Ta audio Baibõl̦ eo? Audio Baibõl̦ eo ej ainikien rekoot ko ñan New World Translation eo ad ekããl. Jidik kõn jidik, ainikien rekoot kein rej diwõjtok ilo elõñ kajin ko ekkar ñan joñan an doulul in maroñ ukoti. Juon iaan men ko rel̦l̦ap ilo audio Baibõl̦ eo ej bwe ej kõjerbal ainikien ko reoktak jãn doon ñan kajjojo armej ro ilo Baibõl̦. Kar kwal̦o̦k naan ko an kajjojo armej ro ilo Baibõl̦ ilo wãween ko rekkar im ilo wãween ko me ej kwal̦o̦k eñjake ko ñan kaalikkar ennaan eo ilo Baibõl̦ ilo jejjet.

Ewi wãween an jet bõk tokjãn jãn audio Baibõl̦ eo? Elõñ ro me rej ekkeini aer roñjake audio Baibõl̦ eo, elukkuun em̦m̦an ippãer wãween an men in kõm̦m̦an bwe Naanin Anij en lukkuun m̦ool ñan er. Rej bõk eñjake eo bwe ilo aer roñjake ainikien kajjojo ri-riit ro ñan kajjojo armej ro ilo Baibõl̦, emaroñ em̦m̦anl̦o̦k aer pijaikl̦o̦k iien ko rar wal̦o̦k ilo Baibõl̦ im bareinwõt emaroñ l̦apl̦o̦k aer mel̦el̦e kõn men ko em̦õj jei. (JK 4:5) Elõñ armej rej bar lo bwe ilo aer roñjake audio Baibõl̦ eo, men in ej kaenõm̦m̦an er ñe rej inepata.​—Sam 94:19.

Ilo ad roñ Naanin Anij ilo juon wãween el̦l̦aaj, men in emaroñ lukkuun jelõt mour ko ad. (2Kr 34:19-21) El̦aññe ej wal̦o̦k jimattanin ak likiio in audio Baibõl̦ eo ilo juon kajin me kwõj mel̦el̦e kake, kwõmaroñ ke ekkeini am̦ roñjake ãinwõt m̦õttan men ko kwõj kõm̦m̦ani ñan kõkajoor kõtaan eo am̦ ippãn Anij?

KÕJO̦E PIJA EO ETAN PRODUCTION OF THE AUDIO BIBLE—EXCERPT, INNEM UWAAKE KAJJITÕK IN ITULAL̦:

Ta eo ej kabwilõñ eok kõn wãween aer kõm̦m̦ane audio Baibõl̦ eo?