Jeova “ej m̦õn̦õn̦õ kõn ro doon.” (Sam 149:4, UBS) Meñe jejjab weeppãn, ak ej lo kadkad ko rem̦m̦an ippãd im men eo jemaroñ kõm̦m̦ane ilju im jekl̦aj. Bõtab jet iien, emaroñ pen ad bõk l̦õmn̦ak ko rejim̦we kõn kõj make. Jemaroñ bõk eñjake eo bwe ejjel̦o̦k tokjãd kõn wãween an kar ro jet kõm̦m̦an ñan kõj. Ak, el̦aññe jej l̦õmn̦ak kõn bõd ko ad kar m̦okta, jemaroñ jino pere el̦aññe Jeova emaroñ lukkuun yokwe kõj. Ta eo emaroñ jipañ kõj el̦aññe jej bõk ejja eñjake kein wõt?

Keememej bwe Jeova ej loi men ko me armej rejjab maroñ loi. (1Sa 16:7) Mel̦el̦ein bwe ej loi men ko me jejjab loi kõn kõj make. El̦ap ad kam̦m̦oolol bwe Baibõl̦ eo ej jipañ kõj ñan mel̦el̦e kõn wãween an Jeova watõk kõj. Jemaroñ mel̦el̦e kõn men in ñe jej etali eoon ko ilo Baibõl̦ im bwebwenato ko me rej kaalikkar joñan an Jeova yokwe ri-karejar ro an.

ALWÕJE PIJA EO ETAN PERSUADE YOUR HEART BEFORE JEHOVAH, INNEM UWAAKE KAJJITÕK KEIN ITULAL̦:

• Ta eo waanjoñak eo kõn juon rũttõr im jemãn ej katakin kõj kõn wãween an Jeova watõk kõj?

  Your answer

• El̦aññe juon armej ej kõm̦m̦ane juon bõd el̦ap im ej bõk buñtõn ne ko raorõk ñan bar kakõm̦anm̦anl̦o̦k jem̦jerã eo an ippãn Jeova, ewi wãween emaroñ kõm̦m̦an bwe en lukkuun tõmak bwe em̦õj an Jeova jol̦o̦k an bõd?​—1Jo 3:19, 20

  Your answer

• Ewi wãween an kar em̦m̦aan eo jeid im jatid bõk tokjãn jãn an riit im kõl̦mãnl̦o̦kjen̦ kõn bwebwenato eo an Devid im Jihoshapat?

  Your answer