MOURIN KŨRJIN
Jeova Ej “Jemãn ro Ejjel̦o̦k Jemãer”
Kajjojo iiõ, elõñ jo̦dikdik ro rej kããlõt ñan erom jeran Jeova. (Sam 110:3) Jeova ej lukkuun kea kõn kajjojo iaami. Emel̦el̦e kõn apañ ko me kajjojo iaami kom̦ij iiooni im ej kallim̦ur bwe enaaj jipañ kom̦ ñan karejar ñane. Ñe kwõj dik im rũttol̦o̦k ilo juon em̦ me jem̦am̦ ak jinõm̦ wõt ej lale eok, keememej bwe Jeova ej erom “jemãn ro ejjel̦o̦k jemãer.” (Sam 68:5) Kõn jipañ im kamminene eo jãn Jeova, kwõmaroñ lo tõprak jekdo̦o̦n ta wãween eo kwõj iioone ilo m̦weo im̦õm̦. —1Pi 5:10.
ALWÕJE PIJA EO ETAN RO REJ LO TÕPRAK ILO AER JUTAK AK BAIT KÕN TÕMAK—RO ME JEMÃER WÕT AK JINEER WÕT EAR LALE ER, INNEM UWAAKE KAJJITÕK KEIN ITULAL̦:
-
Ta eo kwõj katak jãn joñak eo an Tammy, Charles, im Jimmy?
-
Ta kallim̦ur eo me ro me rar dik im rũttol̦o̦k ippãn jineer wõt ak jemãer wõt rej loe ilo Sam 27:10?
