Mãe 20-26
SAM 40-41
Al 102 im Jar | Naanin Kõppel̦l̦o̦k (1 min.)
1. Etke Ej Juon Men Em̦m̦an ñan Jipañ Ro Jet?
(10 min.)
Ñe jej jipañ ro jet, men in ej kõm̦m̦an bwe jen m̦õn̦õn̦õ (Sam 41:1; w18.08 22 pãr. 16-18)
Jeova ej jipañ ro rej jipañ ro jet (Sam 41:2-4; w15 12/15 24 pãr. 7)
Jej kaiboojoj im nõbar Jeova ñe jej jipañ ro jet (Sam 41:13; JK 14:31; w17.09 12 pãr. 17)
KAJJITÕK IPPAM̦ MAKE, ‘Ewõr ke juon ilo eklejia eo aõ me ej aikuj jipañ ñan lukkuun bõk tokjãn jãn an kõjerbale JW Library app eo?’
2. Kũbwij Naanin Anij
(10 min.)
Sam 40:5-10—Ta eo jar eo an Devid ej katakin kõj ikijjeen ad kile im kautieje Jeova ãinwõt eo ej Irooj Bõtata? (it-2 16)
Boin ta ko kwaar kũbwiji im loi jãn jebta ko an wiik in me kokõn̦aan kwal̦o̦k kaki?
3. Riit Baibõl̦
(4 min.) Sam 40:1-17 (th katak 12)
4. Jinoe Am̦ Bwebwenato Ippãn Juon Armej
(3 min.) KWAL̦O̦K NAAN ILO IIEN EM̦M̦ANTOK. Jinoe am̦ bwebwenato ippãn juon armej me em̦õn̦õn̦õ turin mejãn. (lmd katak 2 boin 3)
5. Jinoe Am̦ Bwebwenato Ippãn Juon Armej
(4 min.) KWAL̦O̦K NAAN ILO IIEN EM̦M̦ANTOK. Jinoe am̦ bwebwenato ippãn juon armej me ej mejãn bũrom̦õj. (lmd katak 3 boin 5)
6. Kõm̦m̦an Ri-Kal̦oor
(5 min.) lff katak 14 boin 6. Etale juon boin jãn katak eo etan “Nõbar Jeova ilo Eklejia Eo” ium̦win m̦õttan eo “Kal̦apl̦o̦k Am̦ Mel̦el̦e” ippãn juon rũkkatak me ej ãliklik in uwaak ilo iien kweilo̦k ko. (th katak 19)
Al 138
7. Kõm̦m̦an Em̦m̦an ñan Ro Rerũtto
(15 min.) Bwebwenato ippãn ri-kweilo̦k ro im kwal̦o̦k kajjitõk.
El̦ap an Jeova kaorõk aolep jerbal ko ro rerũtto rej kõm̦m̦ani ilo eklejia eo, im kõj bareinwõt jej kaorõk er. (Hi 6:10) Ium̦win elõñ iiõ ko, el̦ap an rein rerũtto katakin, kamminene, im kõkajoor Kũrjin ro jeier im jatier. Ejjel̦o̦k pere bwe kwõmaroñ bareinwõt keememej wãween ko rar jipañ eok. Ewi wãween kwõmaroñ kwal̦o̦k am̦ kam̦m̦oolol er kõn jerbal ko rar kõm̦m̦ani im jerbal ko rej wõnm̦aanl̦o̦k wõt im kõm̦m̦ani ilo eklejia eo?
Kõjo̦e PIJAIN ALWÕJ eo etan ‘Work What Is Good Toward Our Brothers.’ Innem kajjitõk ippãn ri-kweilo̦k ro kajjitõk kein:
Ta eo Ji-Hoon ear katak jãn Jeid im Jatid Ho-jin Kang?
Ta eo kwõj kam̦m̦oolol ro rerũtto kake ilo eklejia eo am̦?
Ta eo jej katak jãn bwebwenato eo Jesus ear kwal̦o̦ke kõn an ri-Sameria eo m̦õn̦õn̦õ in jipañ eo ri-turin?
Ilo am̦ l̦õmn̦ak, etke ear lukkuun em̦m̦an an Ji-Hoon kakobaik ro jet ñan jipañ Jeid im Jatid Ho-jin Kang?
Ñe jej lukkuun l̦õmn̦ak kõn ta ko rũtto ro ilo eklejia eo rej aikuji, jenaaj lo elõñ wãween ko jemaroñ jipañ er. Ñe kwõj lo bwe rej aikuj jipañ kõn juon men, l̦õmn̦ak kõn ewi wãween kwõmaroñ jipañ er.—Jem 2:15, 16.
Riit Galetia 6:10. Innem kajjitõk ippãn ri-kweilo̦k ro kajjitõk in:
Ilo wãween et ko kwõmaroñ “kõm̦m̦an em̦m̦an” ñan ro rerũtto ilo eklejia eo am̦?
8. Katak Baibõl̦ an Eklejia
(30 min.) bt katak 10 pãr. 1-4, bo̦o̦k eo ilo peij 79
