5:5-7, UBS; 5:11

Ilo Israel, jeram̦õl ear jab bõbrae jabdewõt jãn aer maroñ kõm̦m̦an bwe ren maroñ aenõm̦m̦an ippãn Jeova. Meñe ri-Israel ro me rejeram̦õl tata ak rar maroñ lel̦o̦k ñan Jeova juon menin katok me ebuñbũruon kake, el̦aññe eñin men eo ear em̦m̦antata jãn er. Rar maroñ katok ak lel̦o̦k pilawã, bõtab Jeova ear kõtmãne wõt bwe en aikuj “pilawã eo em̦m̦antata,” kain eo me rej kõjerbale ñan ri-lotok ro me kar kũrtok er. (Jen 18:6, UBS) Rainin, Jeova ej m̦õn̦õn̦õ in bõk “menin katok in nõbar” ko ad rem̦m̦antata, meñe wãween ko jej iiooni ilo mour ko ad remaroñ kõm̦m̦an bwe en wõr joñan men ko jemaroñ lil̦o̦k ñane.​—Hi 13:15.

Ewi wãween an men in maroñ kõketak eok el̦aññe kwõjjab maroñ kõm̦m̦ani aolep men ko me kwokõn kõm̦m̦ani m̦okta, bõlen kõnke ejjab em̦m̦an ãjmour eo am̦ kiiõ ak edikl̦o̦k joñan kajoor eo am̦ ñan m̦akũtkũt?